ಜೆರುಸಲೇಂ: ಚೀನಾ ರಾಯಭಾರಿ ಡು ವೇಯ್ (57) ಮೃತಪಟ್ಟಿದ್ದಾರೆ ಎಂದು ಇಸ್ರೇಲ್ ಪೊಲೀಸ್ ವಕ್ತಾರರು ತಿಳಿಸಿದ್ದಾರೆ.
ಭಾನುವಾರ ಬಳಿಗ್ಗೆ ಟೆಲ್ ಅವೀವ್ ಉಪನಗರದ ಮನೆಯಲ್ಲಿ ಡು ವೇಯ್ ಅವರು ಮೃತಪಟ್ಟ ಸ್ಥಿತಿಯಲ್ಲಿ ಕಂಡುಬಂದಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ. ಆದರೆ, ಸಾವಿಗೆ ಕಾರಣವೇನು ಎಂಬುದನ್ನು ತಿಳಿಸಿಲ್ಲ.
ಡು ವೇಯ್ ಅವರು ಫೆಬ್ರುವರಿಯಲ್ಲಿ ಇಸ್ರೇಲ್ನಲ್ಲಿ ರಾಯಭಾರಿಯಾಗಿ ಕರ್ತವ್ಯ ವಹಿಸಿಕೊಂಡಿದ್ದರು. ಪೊಲೀಸರು ಸ್ಥಳಕ್ಕೆ ತೆರಳಿ ತನಿಖೆ ನಡೆಸುತ್ತಿದ್ದಾರೆ.
ಡು ವೇಯ್ ಅವರದ್ದು ಸಹಜ ಸಾವು. ನಿದ್ದೆಯಲ್ಲಿರುವ ವೇಳೆಯೇ ರಾತ್ರಿ ಸಾವು ಸಂಭವಿಸಿದೆ ಎಂಬುದು ಪ್ರಾಥಮಿಕ ವರದಿಗಳಿಂದ ತಿಳಿದುಬಂದಿದೆ ಎಂದು ತುರ್ತು ವೈದ್ಯಕೀಯ ಅಧಿಕಾರಿಗಳ ಹೇಳಿಕೆ ಉಲ್ಲೇಖಿಸಿ ಇಸ್ರೇಲ್ನ ‘ಚಾನೆಲ್ 12 ಟಿವಿ’ ವರದಿ ಮಾಡಿದೆ.