ಚೀನಾ: ಜನನ ಪ್ರಮಾಣ ಕುಸಿತ

ಇದರಿಂದ, ವೃದ್ಧರ ಸಂಖ್ಯೆಯೇ ಹೆಚ್ಚಲಿದ್ದು, ಕೆಲಸ ಮಾಡುವ ಯುವಕರ ಸಂಖ್ಯೆ ಕಡಿಮೆಯಾಗಲಿದೆ ಎನ್ನುವ ಆತಂಕ ಎದುರಾಗಿದೆ. ಜನಸಂಖ್ಯೆ ಬಿಕ್ಕಟ್ಟು ನಿವಾರಿಸುವ ನಿಟ್ಟಿನಲ್ಲಿ ಕಮ್ಯುನಿಸ್ಟ್‌ ಸರ್ಕಾರ 2016ರಲ್ಲಿ ‘ಒಂದೇ ಮಗು’ ನೀತಿಯನ್ನು ಸಡಿಲಗೊಳಿಸಿತ್ತು. ಇದರಿಂದಾಗಿ, ನಾಗರಿಕರು ಎರಡು ಮಕ್ಕಳನ್ನು ಹೊಂದುವ ಅವಕಾಶ ಕಲ್ಪಿಸಿತ್ತು. ಈ ಬದಲಾವಣೆಯಿಂದಲೂ ಜನಸಂಖ್ಯೆ ಹೆಚ್ಚಳವಾಗಿಲ್ಲ.

2019ರಲ್ಲಿ ಜನನ ಪ್ರಮಾಣ ಪ್ರತಿ ಒಂದು ಸಾವಿರ ಜನರಿಗೆ 10.48ರಷ್ಟಿತ್ತು ಎಂದು ರಾಷ್ಟ್ರೀಯ ಸಂಖ್ಯಾವಿಜ್ಞಾನ ಸಂಸ್ಥೆ ತಿಳಿಸಿದೆ.

‘ಜನರು ಈಗ ಸಣ್ಣ ಕುಟುಂಬವನ್ನು ಬಯಸುತ್ತಿದ್ದಾರೆ. ಜತೆಗೆ, ಜೀವನ ವೆಚ್ಚ ಹೆಚ್ಚಾಗಿರುವುದು ಜನನ ಪ್ರಮಾಣ ಇಳಿಕೆಗೆ ಕಾರಣ’ ಎಂದು ವಿಸ್ಕಾನ್ಸಿನ್‌ ಮ್ಯಾಡಿಸನ್‌ ವಿಶ್ವವಿದ್ಯಾಲಯದ ಹಿರಿಯ ವಿಜ್ಞಾನಿ ಯಿ ಫುಕ್ಸಿಯಾನ್‌ ವಿಶ್ಲೇಷಿಸಿದ್ದಾರೆ.