ವಾಷಿಂಗ್ಟನ್‌: ಸಂಸ್ಥೆಯ ಪತ್ರಕರ್ತ ಜಿಮ್‌ ಅಕೋಸ್ಟಾ ಅವರ ಪತ್ರಿಕಾ ಮಾನ್ಯತೆಯನ್ನು ರದ್ದು ಮಾಡಿರುವ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಆಡಳಿತದ ಕ್ರಮವನ್ನು ಖಂಡಿಸಿರುವ ಸಿಎನ್‌ಎನ್‌, ಶ್ವೇತಭವನದ ವಿರುದ್ಧ ಮಂಗಳವಾರಮೊಕದ್ದಮೆ ಹೂಡಿದೆ.
‘ಟ್ರಂಪ್‌ ಹಾಗೂ ಪತ್ರಕರ್ತ ಜಿಮ್‌ ನಡುವೆ ವಾಗ್ವಾದ ನಡೆಯಿತು. ಇದೇ ಕಾರಣವನ್ನು ಮುಂದಿಟ್ಟುಕೊಂಡು ಶ್ವೇತಭವನ ಜಿಮ್‌ ಅವರ ಮಾನ್ಯತೆಯನ್ನು ರದ್ದುಪಡಿಸಿದೆ. ಇದು ಸಂಸ್ಥೆ ಹಾಗೂ ಪತ್ರಕರ್ತನ ಅಭಿವ್ಯಕ್ತಿ ಸ್ವಾತಂತ್ರ್ಯದ ಉಲ್ಲಂಘನೆ’ ಎಂದು ಸಂಸ್ಥೆ ಪ್ರಕಟಣೆ ತಿಳಿಸಿದೆ.
