ಲಾಸ್‌ ಏಂಜಲ್ಸ್‌: ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ಸಂಶೋಧಕರು ಕೋವಿಡ್–19 ಪತ್ತೆಗಾಗಿ ನೂತನ ವಿಧಾನ ಕಂಡು ಹಿಡಿದಿದ್ದು, ಕೇವಲ 45 ನಿಮಿಷಗಳಲ್ಲಿ ಫಲಿತಾಂಶ ದೊರೆಯಲಿದೆ ಎಂದು ಹೇಳಿದ್ದಾರೆ.
‘ಸಾರ್ಸ್‌–ಸಿಒವಿ–2 ಡಿಟೆಕ್ಟರ್‌’ ಎಂದು ಈ ಪರೀಕ್ಷೆಗೆ ಹೆಸರಿಡಲಾಗಿದೆ. ಇದು ಅತ್ಯಂತ ಕಡಿಮೆ ವೆಚ್ಚದ ಪರೀಕ್ಷಾ ವಿಧಾನವಾಗಿದ್ದು, ಸಾರ್ವಜನಿಕ ಆರೋಗ್ಯ ಕ್ಷೇತ್ರಕ್ಕೆ ವರದಾನವಾಗಲಿದೆ ಎಂದು ‘ನೇಚರ್‌ ಬಯೋಟೆಕ್ನಾಲಜಿ’ ಎಂಬ ಜರ್ನಲ್‌ನಲ್ಲಿ ಪ್ರಕಟಗೊಂಡಿರುವ ವರದಿ ಹೇಳಿದೆ.
ಪ್ರಯೋಗಾಲಯದಲ್ಲಿ ಪರೀಕ್ಷೆ ನಡೆಸಿ, ಈ ವಿಧಾನದ ಕಾರ್ಯಕ್ಷಮತೆಯನ್ನು ಕಂಡುಕೊಳ್ಳಬೇಕಿದೆ. ಇದಕ್ಕೆ ಅಮೆರಿಕದ ಫುಡ್‌ ಆ್ಯಂಡ್‌ ಡ್ರಗ್‌ ಅಡ್ಮಿನಿಷ್ಟ್ರೇಶನ್‌ ನಿಂದ ಅನುಮೋದನೆ ಸಿಗಬೇಕಿದೆ ಎಂದೂ ವರದಿ ತಿಳಿಸಿದೆ.
