ಮಂಗಳವಾರ, ನವೆಂಬರ್ 12, 2019
20 °C
ಹಣಕಾಸು ಕಾರ್ಯಪಡೆ (ಎಫ್‌ಎಟಿಎಫ್‌) ಸಭೆಯಲ್ಲಿ ನಿರ್ಧಾರ

ಎಫ್‌ಎಟಿಎಫ್‌: ಬೂದು ಪಟ್ಟಿಯಲ್ಲೇ ಪಾಕಿಸ್ತಾನ

Published:
Updated:

ಪ್ಯಾರಿಸ್‌: ಉಗ್ರರಿಗೆ ಲಭಿಸುವ ಆರ್ಥಿಕ ನೆರವು ತಡೆಗಟ್ಟುವಲ್ಲಿ ಹಾಗೂ ಹಣ ಅಕ್ರಮ ವರ್ಗಾವಣೆ ನಿಯಂತ್ರಿಸುವಲ್ಲಿ ವಿಫಲವಾಗಿರುವ ಪಾಕಿಸ್ತಾನವನ್ನು ಹಣಕಾಸು ಕಾರ್ಯಪಡೆ (ಎಫ್‌ಎಟಿಎಫ್‌) ಬೂದು ಪಟ್ಟಿಯಲ್ಲೇ ಉಳಿಸಿದೆ.

ಇಲ್ಲಿ ಹಮ್ಮಿಕೊಂಡಿದ್ದ ಎಫ್‌ಎಟಿಎಫ್‌ ಐದು ದಿನಗಳ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ.

ಭಯೋತ್ಪಾದಕರ ನಿಗ್ರಹಕ್ಕಾಗಿ ರೂಪಿಸಿರುವ ಕಾರ್ಯಯೋಜನೆಯನ್ನು ಪಾಕಿಸ್ತಾನ ಪೂರ್ಣಗೊಳಿಸದಿದ್ದರೆ ಸೂಕ್ತ ಕ್ರಮ ಕೈಗೊಳ್ಳುವ ಎಚ್ಚರಿಕೆಯನ್ನೂ ಭಯೋತ್ಪಾದನೆಗೆ ಆರ್ಥಿಕ ನೆರವು ಒದಗಿಸುವುದರ ಮೇಲೆ ನಿಗಾ ಇಡುವ ಅಂತರರಾಷ್ಟ್ರೀಯ ಸಂಸ್ಥೆಯಾಗಿರುವ ಎಫ್‌ಎಟಿಎಫ್‌ ನೀಡಿದೆ.

ಭಾರತದಲ್ಲಿ ಸರಣಿ ದಾಳಿ ನಡೆಸಿರುವ ಲಷ್ಕರ್‌ ಎ ತಯಬಾ ಮತ್ತು ಜೈಷ್‌ ಎ ಮೊಹಮ್ಮದ್‌ ಮೊದಲಾದ ಉಗ್ರ ಸಂಘಟನೆಗಳಿಗೆ ಲಭಿಸುವ ಹಣಕಾಸಿನ ನೆರವನ್ನು ನಿಯಂತ್ರಿಸುವುದು ಸೇರಿದಂತೆ 27 ಕಾರ್ಯಯೋಜನೆಗಳನ್ನು ಪಾಕ್‌ಗೆ ನೀಡಲಾಗಿತ್ತು. ಆದರೆ ಅದು ಕೇವಲ ಐದನ್ನು ಮಾತ್ರ ನಿರ್ವಹಿಸಿದೆ ಎಂದು ಎಫ್‌ಎಟಿಎಫ್‌ ಹೇಳಿದೆ.

ಪ್ರತಿಕ್ರಿಯಿಸಿ (+)