ಆದರೆ, ಇಂದು ವಿರೋಧ ಪಕ್ಷದವರು ಎಂದರೆ ಸಾಕು; ಪಕ್ಷಭೇದವಿಲ್ಲದೆ ವಿರೋಧಿಗಳ ಮೇಲೆ ಲಗಾಮಿಲ್ಲದಂತೆ ನಾಲಿಗೆ ಹರಿಬಿಡುತ್ತಾರೆ. ತೀರಾ ವೈಯಕ್ತಿಕವಾಗಿ ಹೀಗಳೆಯುತ್ತಾರೆ. ಇದು ಖಂಡಿತಾ ಅಸಮರ್ಥನೀಯ, ಖಂಡನಾರ್ಹ ಹಾಗೂ ಅಸಹ್ಯ ಕೂಡ. ಕೇವಲ ಐವತ್ತು ವರ್ಷಗಳಲ್ಲಿ ರಾಜಕೀಯವೆಂದರೆ ಈ ರೀತಿ ಬದಲಾಗಿ ಹೋಗಿದೆಯೆಂದರೆ, ಇನ್ನು ಮುಂದೆ ಹೇಗೆ ಎಂದು ಊಹಿಸಲೂ ಕಷ್ಟವಾಗುತ್ತದೆ. ಈ ಘಟನೆಯನ್ನು ಓದಿದಾಗ 'ಹೀಗೂ ಇತ್ತಾ...?' ಎಂದು ಇಂದಿನವರು ಮೂಗಿನ ಮೇಲೆ ಬೆರಳಿಡಬೇಕು. ಇನ್ನಾದರೂ ರಾಜಕಾರಣಿಗಳು ಪರಸ್ಪರ ಕೆಸರೆರಚಾಟವನ್ನು ನಿಲ್ಲಿಸಿಯಾರೇ?-ಪತ್ತಂಗಿ ಎಸ್. ಮುರಳಿ, ಬೆಂಗಳೂರು