ವಾಷಿಂಗ್ಟನ್ : ಕ್ಯಾಲಿಫೋರ್ನಿಯಾದ ಜಿಲ್ಲಾ ನ್ಯಾಯಾಲಯದ ನ್ಯಾಯಾಧೀಶರಾಗಿ ಭಾರತೀಯ ಸಂಜಾತೆ, ಅಮೆರಿಕ ಅಟಾರ್ನಿ ಶಿರೀನ್ ಮ್ಯಾಥ್ಯೂ ಅವರನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನೇಮಿಸಿದ್ದಾರೆ.
ಈ ಮೂಲಕ ಶಿರೀನ್ ಅವರು ‘ಆರ್ಟಿಕಲ್ 3 ಫೆಡರಲ್ ಜಡ್ಜ್’ ಆಗಿ ಕಾರ್ಯನಿರ್ವಹಿಸಲಿರುವ ಭಾರತೀಯ ಸಂಜಾತೆ ಹಾಗೂ ಏಷಿಯಾ ಪ್ಯಾಸಿಫಿಕ್ನ ಪ್ರಥಮ ಮಹಿಳೆಯಾಗಲಿದ್ದಾರೆ ಎಂದು ರಾಷ್ಟ್ರೀಯ ಏಷಿಯಾ ಪ್ಯಾಸಿಫಿಕ್ ಅಮೆರಿಕ ವಕೀಲರ ಸಂಘ ಹೇಳಿದೆ.
‘ಆರ್ಟಿಕಲ್ 3 ಫೆಡರಲ್ ನ್ಯಾಯಾಧೀಶ’ ಸ್ಥಾನವು ಉತ್ತಮ ಸನ್ನಡತೆಗೆ ದೊರೆಯಲಿದೆ. ಇದರರ್ಥ ಕೆಲ ಸಂದರ್ಭಗಳನ್ನು ಹೊರತುಪಡಿಸಿ ಅವರು ಜೀವಿತಾವಧಿಗೆ ನೇಮಕವಾಗುವರು. ಸರ್ಕಾರಿ ಸೇವೆಗೆ ಬರುವ ಮೊದಲು ಶಿರೀನ್ ಸ್ಯಾನ್ಡಿಗೊದಲ್ಲಿ ಲಾಥಂ ಮತ್ತು ವಾಕಿನ್ಸ್ ಸಂಸ್ಥೆಯ ಜೊತೆ ಗುರುತಿಸಿಕೊಂಡಿದ್ದರು.