ಬೀಜಿಂಗ್: ಚೀನಾದ ನೈರುತ್ಯ ಭಾಗದಲ್ಲಿರುವ ಸಿಚುವಾನ್ ಪ್ರದೇಶದಲ್ಲಿ ಸೋಮವಾರ ರಾತ್ರಿ ಭೂಕಂಪ ಸಂಭವಿಸಿದ್ದು, 11 ಮಂದಿ ಮೃತಪಟ್ಟು, 122 ಜನರಿಗೆ ಗಾಯಗಳಾಗಿವೆ.
ಮೊದಲ ಬಾರಿಗೆ ಬೆಳಿಗ್ಗೆ 4.25ಕ್ಕೆ (ಭಾರತೀಯ ಕಾಲಮಾನ) ಭೂಕಂಪ ಸಂಭವಿಸಿದೆ. ರಿಕ್ಟರ್ ಮಾಪಕದಲ್ಲಿ 6ರಷ್ಟು ತೀವ್ರತೆ ದಾಖಲಾಗಿದೆ. ಮಂಗಳವಾರ ಬೆಳಿಗ್ಗೆ ಎರಡನೇ ಬಾರಿಗೆ ಭೂಕಂಪ ಸಂಭವಿಸಿದ್ದು, 5.3ರಷ್ಟು ತೀವ್ರತೆ ದಾಖಲಾಗಿದೆ.
ತುರ್ತು ನಿರ್ವಹಣಾ ಸಚಿವಾಲಯ ಮತ್ತು ಪ್ರಾದೇಶಿಕ ತುರ್ತು ನಿರ್ವಹಣಾ ಇಲಾಖೆಯು ‘ತುರ್ತು ಪ್ರತಿಕ್ರಿಯೆ’ ಸೌಲಭ್ಯವನ್ನು ಪ್ರಾರಂಭಿಸಿದೆ. ವಿಪತ್ತು ಪರಿಹಾರ ಮತ್ತು ರಕ್ಷಣಾ ಕಾರ್ಯಕ್ಕೆ ಸಹಕಾರಿಯಾಗುವಂತೆಸಚಿವಾಲಯವುಘಟನಾ ಸ್ಥಳಕ್ಕೆಕಾರ್ಯಪಡೆಯನ್ನು ಕಳುಹಿಸಿದೆ ಎಂದು ಅಲ್ಲಿನ ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ.
ಭೂಕಂಪದಿಂದ ತೊಂದರೆಗೊಳಗಾದವರಿಗೆ 5,000 ತಾತ್ಕಾಲಿಕ ಬಿಡಾರ ನಿಮಿರ್ಸಿದೆ, ಅಲ್ಲದೆ 10 ಸಾವಿರ ಹಾಸಿಗೆ ಹಾಗೂ 20 ಸಾವಿರ ಹೊದಿಕೆಗಳನ್ನು ಸರ್ಕಾರ ಪೂರೈಸಿದೆ.
63 ಅಗ್ನಿ ಶಾಮಕ ವಾಹನ, 302 ಅಗ್ನಿ ಶಾಮಕದಳ ಸಿಬ್ಬಂದಿಯನ್ನು ರಕ್ಷಣಾ ಕಾರ್ಯಕ್ಕೆ ತುರ್ತಾಗಿ ಕಳುಹಿಸಲಾಗಿದೆ ಎಂದು ಸಚಿವಾಲಯ ಹೇಳಿದೆ.
ಭೂಕಂಪ ಸಂಭವಿಸಿದ ಪ್ರದೇಶದಿಂದ ಹತ್ತಿರದಲ್ಲಿರುವಶಾಂಘೈ ಹಾಗೂ ಮೈಡಾಂಗ್ ನಗರಗಳ ದೂರವಾಣಿ ಸಂಪರ್ಕ ಕಡಿತಗೊಂಡಿದೆ. ಸೋಮವಾರದಿಂದಲೂ ಸುರಿಯುತ್ತಿರುವ ವಿಪರೀತ ಮಳೆಯಿಂದಾಗಿ ಪಟ್ಟಣಗಳು ಸಂಪೂರ್ಣ ನಾಶವಾಗಿದೆ. ಜೊತೆಗೆ, ಭೂಕಂಪದಿಂದ ಸಿಚುವಾನ್ ತಲುಪುವ ಹೆದ್ದಾರಿಗಳಲ್ಲಿ ಬಿರುಕು ಬಿಟ್ಟಿದೆ.