ಲಂಡನ್ : ವಜ್ರವ್ಯಾಪಾರಿ ನೀರವ್ ಮೋದಿ ವಿರುದ್ಧದ ಹಣ ಅಕ್ರಮ ವರ್ಗಾವಣೆ ಹಾಗೂ ವಂಚನೆ ಆರೋಪವನ್ನು ಸಾಬೀತುಪಡಿಸಲು ಪ್ರಬಲ ಸಾಕ್ಷ್ಯಗಳು ಇಲ್ಲ ಎಂದು ನೀರವ್ ಪರ ವಕೀಲರ ತಂಡ ಬ್ರಿಟನ್ ಕೋರ್ಟ್ಗೆ ಮಂಗಳವಾರ ಹೇಳಿದೆ.
ಪಂಜಾಬ್ ನ್ಯಾಷನಲ್ ಬ್ಯಾಂಕಿಗೆ ವಂಚಿಸಿದ ಆರೋಪ ಎದುರಿಸುತ್ತಿರುವ ನೀರವ್ ಮೋದಿ ಹಸ್ತಾಂತರ ಕೋರಿ ಭಾರತ ಸರ್ಕಾರ ಸಲ್ಲಿಸಿರುವ ಅರ್ಜಿಯ ವಿಚಾರಣೆ ಇಲ್ಲಿನ ವೆಸ್ಟ್ಮಿನ್ಸ್ಟರ್ ಮ್ಯಾಜಿಸ್ಟ್ರೇಟ್ಸ್ ಕೋರ್ಟ್ನಲ್ಲಿ ನಡೆಯುತ್ತಿದೆ.
‘ಈ ಪ್ರಕರಣಕ್ಕೆ ಸಂಬಂಧಿಸಿದ ಆರೋಪಗಳು ಯಾವುವೂ ಸಾಬೀತಾಗಿಲ್ಲ. ನೀರವ್ ವಿರುದ್ಧ ತಾನು ಮಾಡುವ ಆರೋಪಗಳನ್ನು ಬಲವಾಗಿ ಸಮರ್ಥಿಸಿಕೊಳ್ಳುತ್ತಿರುವ ಭಾರತ ಸರ್ಕಾರದ ಬಳಿ ಪ್ರಬಲವಾದ ಸಾಕ್ಷ್ಯಗಳೇ ಇಲ್ಲ’ ಎಂದು ನೀರವ್ ಪರ ವಕೀಲ ಕ್ಲಾರ್ ಮಾಂಟ್ಗೊಮೆರಿ ವಾದಿಸಿದರು.