ಬೀಜಿಂಗ್ : ಕೋವಿಡ್–19ನಿಂದ ಗುಣಮುಖರಾದ ರೋಗಿಗಳ ರಕ್ತದಲ್ಲಿರುವ ಹಲವು ರೋಗನಿರೋಧಕ ಕಣಗಳನ್ನುತಕ್ಷಣವೇ ಪತ್ತೆ ಹಚ್ಚುವ ಮಾದರಿಯನ್ನು ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ.
ವಿಜ್ಞಾನಿಗಳ ಪ್ರಕಾರ ಈ ರೋಗನಿರೋಧಕ ಕಣಗಳನ್ನು ಬಳಸಿ, ಎಬೊಲಾ, ಏಡ್ಸ್ ಮತ್ತು ಎಂಇಆರ್ಎಸ್ನಂಥ ರೋಗದ ಚಿಕಿತ್ಸೆಗೆ ಯಶಸ್ವಿಯಾಗಿ ಬಳಸಬಹುದು ಎಂದು ಪೀಕಿಂಗ್ ವಿಶ್ವವಿದ್ಯಾಲಯದ ಅಡ್ವಾನ್ಸ್ಡ್ ಇನ್ನೊವೇಷನ್ ಸೆಂಟರ್ ಫಾರ್ ಜಿನೊಮಿಕ್ಸ್ನ ನಿರ್ದೇಶಕ ಸನ್ನಿ ಕ್ಸಿ ತಿಳಿಸಿದರು.
‘ಸೆಲ್’ ಹೆಸರಿನ ನಿಯತಕಾಲಿಕದಲ್ಲಿ ಈ ಕುರಿತು ಅಧ್ಯಯನ ವರದಿ ಪ್ರಕಟವಾಗಿದೆ. ಕೊರೊನಾ ಸೋಂಕಿನಿಂದ ಗುಣಮುಖರಾಗುತ್ತಿರುವ ರೋಗಿಯ ಪ್ಲಾಸ್ಮಾದಲ್ಲಿರುವ ರೋಗನಿರೋಧಕ ಕಣಗಳಿಂದಕೋವಿಡ್–19 ನಿಂದ ಬಳಲುತ್ತಿರುವ ರೋಗಿಯ ಆರೋಗ್ಯ ಸುಧಾರಿಸಿರುವುದು ಅಧ್ಯಯನದಲ್ಲಿ ಗೊತ್ತಾಗಿದೆ.