ಮಂಗಳವಾರ, ಜನವರಿ 21, 2020
22 °C

ಗೋಪ್ಯವಾಗಿ ‘ಮಹತ್ವದ ಪರೀಕ್ಷೆ’ ನಡೆಸಿದ ಉತ್ತರ ಕೊರಿಯಾ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸಿಯೋಲ್‌: ಉತ್ತರ ಕೊರಿಯಾ ಡಿ.7ರಂದು ಸೊಹೆ ರಾಕೆಟ್‌ ಉಡಾವಣೆ ಕೇಂದ್ರದಲ್ಲಿ ಮಹತ್ವದ ಪರೀಕ್ಷೆಯೊಂದನ್ನು ನಡೆಸಿದೆ. ಆದರೆ, ಅದು ಯಾವ ಪರೀಕ್ಷೆ ಎಂಬುದನ್ನು ಉತ್ತರ ಕೊರಿಯಾ ಗೋಪ್ಯವಾಗಿರಿಸಿದೆ.

‘ಡಿ.7ರಂದು ಸೊಹೆ ರಾಕೆಟ್‌ ಉಡಾವಣಾ ಕೇಂದ್ರದಲ್ಲಿ ನಾವು ಅತಿ ಮುಖ್ಯ ಪರೀಕ್ಷೆಯೊಂದನ್ನು ಕೈಗೊಂಡೆವು,’ ಎಂದು ರಾಷ್ಟ್ರೀಯ ವಿಜ್ಞಾನ ಅಕಾಡೆಮಿಯ ವಕ್ತಾರ ಅಲ್ಲಿನ ರಾಷ್ಟ್ರೀಯ ಸುದ್ದಿ ಮಾಧ್ಯಮ ಕೆಸಿಎನ್‌ಎಗೆ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.

‘ಪರೀಕ್ಷಾ ಫಲಿತಾಂಶವು ಉತ್ತರ ಕೊರಿಯಾದ ರಕ್ಷಣಾ ತಂತ್ರಗಾರಿಕೆಯ ಬದಲಾವಣೆಯ ವಿಷಯದಲ್ಲಿ ಮಹತ್ವದ ಪರಿಣಾಮ ಬೀರಲಿದೆ,’ ಎಂದೂ ಅವರು ತಮ್ಮ ಹೇಳಿಕೆಯಲ್ಲಿ ಉಲ್ಲೇಖಿಸಿದೆ. 

ಆದರೆ, ಪತ್ರಿಕಾ ಹೇಳಿಕೆಯಲ್ಲಿ ಪರೀಕ್ಷೆಗೆ ಸಂಬಂಧಿಸಿದ ಮಹತ್ವದ ಮಾಹಿತಿಗಳೇನೂ ಇಲ್ಲ ಎಂದೂ ಸುದ್ದಿ ಮಾದ್ಯಮ ವರದಿ ಮಾಡಿದೆ.

ಅಣು ಒಪ್ಪಂದದ ಕುರಿತಾಗಿ ಉತ್ತರ ಕೊರಿಯಾದ ಅಧ್ಯಕ್ಷ ಕಿಮ್‌ ಜಾಂಗ್‌ ಉನ್‌ ಅವರು 2018ರಿಂದ ಈ ವರೆಗೆ ಅಮೆರಿಕ ಜತೆಗೆ ಮೂರು ಸಭೆಗಳನ್ನು ನಡೆಸಿದ್ದಾರೆ. ಆದರೆ, ಒಪ್ಪಂದದ ವಿಚಾರವಾಗಿ ಈ ವರೆಗೆ ಯಾವುದೇ ಪ್ರಗತಿಯಾಗಿಲ್ಲ. ಹೀಗಿರುವಾಗಲೇ ಉತ್ತರ ಕೊರಿಯಾ ನಡೆಸಿರುವ ಈ ಪರೀಕ್ಷೆ ವಿಶ್ವದ ಹುಬ್ಬೇರುವಂತೆ ಮಾಡಿದೆ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು