ಚಂದ್ರಯಾನ–2: ಪಾಕಿಸ್ತಾನ ಲೇವಡಿ

‘ಸೋದರನೇ ಮಲಗಿಕೋ ಹೋಗು. ಚಂದ್ರನ ಮೇಲೆ ಇಳಿಯಬೇಕಿದ್ದ ಆಟಿಕೆ ಮುಂಬೈನಲ್ಲಿ ಬಂದು ಬಿದ್ದಿದೆ. ತಾನೇ ದೊಡ್ಡ ಬಾಹ್ಯಾಕಾಶ ವಿಜ್ಞಾನಿ ಎಂಬಂತೆ ಮೋದಿ ಭಾಷಣ ಮಾಡುತ್ತಿದ್ದಾರೆ. ಅವರು ರಾಜಕಾರಣಿಯಂತೆ ಮಾತನಾಡಬೇಕಿತ್ತಲ್ಲವೇ. ಬಡರಾಷ್ಟ್ರದ ₹ 900 ಕೋಟಿಯನ್ನು ವ್ಯರ್ಥಮಾಡಿದ್ದು ಏಕೆ ಎಂದು ಲೋಕಸಭೆಯು ಮೋದಿ ಅವರನ್ನು ಪ್ರಶ್ನಿಸಬೇಕು’ ಎಂದು ಫವಾದ್ ಟ್ವೀಟ್ ಮಾಡಿದ್ದಾರೆ.

‘ಪ್ರಿಯ ಎಂಡಿಯಾ (Endia); ಚಂದ್ರಯಾನದಂತಹ ಯೋಜನೆ ಮೇಲೆ ಹಣ ವ್ಯರ್ಥ ಮಾಡುವ ಬದಲು, ಅಭಿನಂದನ್ ಅವರಂತಹವರನ್ನು ಟೀ ಕುಡಿಯಲು ಪಾಕಿಸ್ತಾನಕ್ಕೆ ಕಳುಹಿಸುವ ಬದಲು ಬಡತನ ನಿರ್ಮೂಲನಯತ್ತ ಗಮನಹರಿಸಿ. ನಿಮ್ಮ ಕಾಶ್ಮೀರದ ದುಸ್ಸಾಹಸಕ್ಕೆ ನೀವು ಅತ್ಯಂತ ದೊಡ್ಡ ಬೆಲೆ ತೆರಲಿದ್ದೀರಿ’ ಎಂದು ಅವರು ಟ್ವೀಟ್ ಮಾಡಿದ್ದಾರೆ.

ಈ ಟ್ವೀಟ್‌ಗೆ ಭಾರಿ ಆಕ್ರೋಶ ವ್ಯಕ್ತವಾಗಿದೆ. ಹಲವು ಭಾರತೀಯರು ತೀರಾ ಖಾರವಾಗಿ ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ.