ಧರ್ಮನಿಂದನೆ ಆರೋಪ ಕೈಬಿಡಿ: ಪಾಕಿಸ್ತಾನಕ್ಕೆ ಅಮೆರಿಕ ಆಗ್ರಹ

ವಿವಿಧ ಧರ್ಮಗಳ ಸ್ವಾತಂತ್ರ್ಯದ ಕುರಿತು ಕಾಳಜಿ ವಹಿಸಲು ರಾಯಭಾರಿಯನ್ನು ನೇಮಿಸುವಂತೆಯೂ ಅಮೆರಿಕ ಇದೇ ವೇಳೆ ಪಾಕ್‌ಗೆ ತಿಳಿಸಿದೆ.

ಅಂತರರಾಷ್ಟ್ರೀಯ ಧಾರ್ಮಿಕ ಸ್ವಾತಂತ್ರ್ಯದ ವಾರ್ಷಿಕ ವರದಿಯನ್ನು (2018) ಬಿಡುಗಡೆ ಮಾಡಿದ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೊ ಮಾಹಿತಿ ನೀಡಿದರು. ವರದಿ ಪ್ರಕಾರ ಪಾಕ್‌ನಲ್ಲಿ ಸುಮಾರು 77 ಜನರು ಧರ್ಮನಿಂದನೆ ಪ್ರಕರಣ ಎದುರಿಸುತ್ತಿದ್ದಾರೆ. ಅವರಲ್ಲಿ 28 ಜನರು ಮರಣದಂಡನೆ ಶಿಕ್ಷೆ ಎದುರಿಸುತ್ತಿದ್ದಾರೆ.

ಅಲ್ಪಸಂಖ್ಯಾತರ ಮೇಲೆ ಭಾರತದಲ್ಲಿ ಹಲ್ಲೆ: ವರದಿ
ವಾಷಿಂಗ್ಟನ್‌ (ಪಿಟಿಐ): ಗೋವುಗಳನ್ನು ಕಳ್ಳಸಾಗಣೆ ಮಾಡುತ್ತಿದ್ದಾರೆ, ಕೊಲ್ಲುತ್ತಿದ್ದಾರೆ ಎನ್ನುವ ವದಂತಿಗಳಿಂದಾಗಿ ಭಾರತದಲ್ಲಿಅಲ್ಪಸಂಖ್ಯಾತರ ಮೇಲೆ, ಅದರಲ್ಲೂಮುಸ್ಲಿಂ ಸಮುದಾಯದ ಮೇಲೆಹಿಂದೂ ತೀವ್ರವಾದಿ ಸಂಘಟನೆಗಳ ಗುಂಪುದಾಳಿ 2018ರಲ್ಲೂ ಮುಂದುವರಿದಿತ್ತು ಎಂದು ಅಂತರರಾಷ್ಟ್ರೀಯ ಧಾರ್ಮಿಕ ಸ್ವಾತಂತ್ರ್ಯ ವರದಿ ತಿಳಿಸಿದೆ.