ಅಸುರಕ್ಷಿತ ಸಮೀಪಕ್ಕೆ ಬಂದ ಅಮೆರಿಕ–ರಷ್ಯಾ ಯುದ್ಧನೌಕೆಗಳು, ತಪ್ಪಿದ ಅನಾಹುತ

ಶುಕ್ರವಾರ, ಜೂನ್ 21, 2019
24 °C
ರಷ್ಯಾ ವಿರುದ್ಧ ರಾಜತಾಂತ್ರಿಕ ಪ್ರತಿಭಟನೆ ದಾಖಲಿಸುವುದಾಗಿ ಹೇಳಿದ ಅಮೆರಿಕ

ಅಸುರಕ್ಷಿತ ಸಮೀಪಕ್ಕೆ ಬಂದ ಅಮೆರಿಕ–ರಷ್ಯಾ ಯುದ್ಧನೌಕೆಗಳು, ತಪ್ಪಿದ ಅನಾಹುತ

Published:
Updated:

ವಾಷಿಂಗ್ಟನ್‌: ಪೂರ್ವ ಚೀನಾದ ಸಮುದ್ರದಲ್ಲಿ ಅಮೆರಿಕ ಮತ್ತು ರಷ್ಯಾ ನೌಕಾಪಡೆಯ ಯುದ್ಧನೌಕೆಗಳು ಪರಸ್ಪರ ಅತ್ಯಂತ ಸಮೀಪ, ಅಸುರಕ್ಷಿತ ಸ್ಥಿತಿಯವರೆಗೆ ಬಂದು ಹಿಂದೆ ಸರಿದಿರುವ ಘಟನೆ ಶುಕ್ರವಾರ ನಡೆದಿದೆ.

ರಷ್ಯಾ ನೌಕಾಪಡೆ ಅತ್ಯಂತ ಸಮೀಪ, ಅಪಾಯಮಟ್ಟದವರೆಗೆ ಬಂದಿರುವುದಕ್ಕೆ ಅಮೆರಿಕವು ರಷ್ಯಾದ ವಿರುದ್ಧ ರಾಜತಾಂತ್ರಿಕ ಪ್ರತಿಭಟನೆ ದಾಖಲಿಸುವುದಾಗಿ ಹೇಳಿದೆ.

ಪೂರ್ವ ಚೀನಾದ ಸಮುದ್ರದಲ್ಲಿ ಅಮೆರಿಕ ಯುದ್ಧನೌಕೆಯ ಬಳಿಗೆ ರಷ್ಯಾದ ಯುದ್ಧನೌಕೆ ಅಸುರಕ್ಷಿತ ಹಾಗೂ ವೃತ್ತಿಪರವಲ್ಲದ ರೀತಿಯಲ್ಲಿ ಅತ್ಯಂತ ಸಮೀಪಕ್ಕೆ ಬಂದಿದೆ.

‘ಈ ಘಟನೆ ಕುರಿತು ರಷ್ಯಾ ಮತ್ತು ಅಮೆರಿಕ ಮಿಲಿಟರಿಗಳು ಪರಸ್ಪರ ಮಾತನಾಡುತ್ತೇವೆ, ಅದು ರಾಜತಾಂತ್ರಿವಾದುದು. ಆದರೆ, ನಮಗೆ ದಿನದ ಕೊನೆಯಲ್ಲಿ ಸುರಕ್ಷತೆ ಅತ್ಯಂತ ಮುಖ್ಯವಾಗಿತ್ತು’ ಎಂದು ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಪ್ಯಾಟ್ರಿಕ್‌ ಶಾನಹನ್‌ ಪೆಂಟಗನ್‌ನಲ್ಲಿ ಸುದ್ದಿಗಾರರಿಗೆ ತಿಳಿಸಿದ್ದಾಗಿ ವರದಿಯಾಗಿದೆ.

ಇದಕ್ಕೆ ಪ್ರತಿಯಾಗಿ ರಷ್ಯಾ, ಅಮೆರಿಕ ಯುದ್ಧನೌಕೆಯದ್ದೇ ತಪ್ಪು ಎಂದು ಹೇಳಿದೆ. 

ರಷ್ಯಾದ ಯುದ್ಧನೌಕೆ ಅಮೆರಿಕದ ಯುದ್ಧನೌಕೆಯ ಅತ್ಯಂತ ಸಮೀಪಕ್ಕೆ ಬಂದಿದ್ದ ವಿಡಿಯೊಗಳನ್ನು ಅಮೆರಿಕ ನೌಕಾಪಡೆ ಬಿಡುಗಡೆ ಮಾಡಿದೆ.  

ರಷ್ಯಾ ಯುದ್ಧನೌಕೆಯು ಅಸುರಕ್ಷಿತ ಹಂತದವರೆಗೆ ಬಂದಾಗ ಉಂಟಾಗಬುಹುದಾಗಿದ್ದ ಘರ್ಷಣೆಯನ್ನು ತಡೆಯಲು ಹಿಂದೆ ಸರಿಯುವಂತೆ ಒತ್ತಾಯಿಸಬೇಕಾಯಿತು ಎಂದು ಅಮೆರಿಕ ನೌಕಾಪಡೆ ಹೇಳಿದೆ.

ಪಿಲಿಪೈನ್‌ ಸಮುದ್ರದಲ್ಲಿ ಶುಕ್ರವಾರ ಬೆಳಿಗ್ಗೆ 11.45ಕ್ಕೆ ಕಾರ್ಯನಿರ್ವಹಿಸುತ್ತಿದ್ದಾಗ ರಷ್ಯಾದ ಯುದ್ಧನೌಕೆಯು(ಯುಡಾಲೋಯಿ ಐ ಡಿಡಿ 572) ಅಮೆರಿಕದ ಕ್ಷಿಪಣಿ ಉಡಾವಣೆ ಸಾಮರ್ಥ್ಯದ ಯುದ್ಧನೌಕೆಯ(ಸಿಜಿ–62) ಅತ್ಯಂತ ಸಮೀಪ 50ರಿಂದ 100ಗಳಷ್ಟು ಹತ್ತಿರಕ್ಕೆ ಬಂದಿದೆ. ಈ ವೇಳೆ ಅಮೆರಿಕ ಯುದ್ಧನೌಕೆಯು ಅತ್ಯಂತ ವೇಗವಾಗಿ ಬಲಕ್ಕೆ ಚಲಿಸಿದೆ. ನೌಕೆಗಳ ಮಧ್ಯೆ ಸಂಭವಿಸಬಹುದಾಗಿದ್ದ ಅಪಾಯವನ್ನು ಸಿಬ್ಬಂದಿ ತಪ್ಪಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 4

    Amused
  • 1

    Sad
  • 0

    Frustrated
  • 1

    Angry

Comments:

0 comments

Write the first review for this !