ಮಿನಿಯಾಪೊಲಿಸ್: ಮಿನಿಯಾಪೊಲಿಸ್ನಲ್ಲಿ ನಡೆದ ಶೂಟಿಂಗ್ನಲ್ಲಿ ಒಬ್ಬರು ಸತ್ತಿದ್ದು, ಇತರೆ ಹನ್ನೊಂದು ಮಂದಿ ಗಾಯಗೊಂಡಿದ್ದಾರೆ. ಮೃತನ ಗುರುತು ಪತ್ತೆಯಾಗಿಲ್ಲ.
10 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಮೊದಲು ತಿಳಿಸಿದ್ದ ಪೊಲೀಸ್ ಅಧಿಕಾರಿಗಳು, ಬಳಿಕ 11 ಜನರಿಗೆ ಅಲ್ಪಪ್ರಮಾಣದ ಗಾಯಗಳಾಗಿವೆ ಎಂದು ಟ್ವೀಟ್ ಮಾಡಿ ಸ್ಪಷ್ಟನೆ ನೀಡಿದ್ದರು.
** SHOOT UPDATE ** 12 people have suffered gunshot wounds in an incident on 2900 block of Hennepin S. 1 adult male died and 11 have no -life-threatening wounds
ಬಹುತೇಕ ಬಾರ್, ರೆಸ್ಟೋರಂಟ್ಗಳೇ ಇರುವ ಇಲ್ಲಿನ ಅಪ್ಟೌನ್ ಮಿನಿಯಾಪೊಲಿಸ್ನ ಪ್ರದೇಶಕ್ಕೆ ತೆರಳುವುದರಿಂದ ದೂರ ಉಳಿಯಬೇಕು ಎಂದು ಪೊಲೀಸರು ಮೊದಲು ಜನರಿಗೆ ಸಲಹೆ ಮಾಡಿದ್ದರು. ಕೊರೊನಾ ಕಾರಣದಿಂದ ಆರು ವಾರ ಬಂದ್ ಆಗಿದ್ದ ವಾಣಿಜ್ಯ ಚಟುವಟಿಕೆಗಳು ಜೂನ್ 1ರಂದಷ್ಟೇ ಪುನಾರಂಭಗೊಂಡಿದ್ದವು.
ಜಾರ್ಜ್ ಫ್ಲಾಯ್ಡ್ ಸಾವಿನ ಘಟನೆ ಹಿನ್ನೆಲೆಯಲ್ಲಿ ಮೇ 25ರ ಬಳಿಕ ಸುಮಾರು 5 ಕಿ.ಮೀ ವ್ಯಾಪ್ತಿಯಲ್ಲಿ ಈ ಭಾಗದಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದೆ.