ಅಪಘಾತ: ಚಿಂಚೋಳಿ ಶಾಸಕ ಡಾ.ಉಮೇಶ ಜಾಧವ್ ಸೇರಿ ಇಬ್ಬರಿಗೆ ಗಾಯ

ತೆಲಂಗಾಣ ಗಡಿಯಲ್ಲಿರುವ ಕೊತ್ಲಾಪುರ ಗ್ರಾಮಕ್ಕೆ ತೆರಳುವಾಗ ತಾಲ್ಲೂಕಿನ ಪೋಲಕಪಳ್ಳಿ ಬಳಿ ಅಪಘಾತ ಸಂಭವಿಸಿದೆ. ಶಾಸಕರು ಪ್ರಯಾಣಿಸುತ್ತಿದ್ದ ವಾಹನ ಹಿಂಬಾಲಿಸುತ್ತಿದ್ದ ವಾಹನವೊಂದು ಶಾಸಕರ ವಾಹನ ಹಿಂದಿಕ್ಕಿ ಮುಂದಕ್ಕೆ ಹೋಗಲು ಯತ್ನಿಸಿದಾಗ ಎದುರಿಗೆ ಹಸುವೊಂದು ಬಂದಿದೆ. ವಾಹನ ಹಸುವಿಗೆ ಡಿಕ್ಕಿ ಹೊಡೆದು ನಂತರ ಶಾಸಕರ ವಾಹನಕ್ಕೆ ಗುದ್ದಿ ಮುಂದಕ್ಕೆ ಉರುಳಿದೆ.

ಈ ಅಪಘಾತದಲ್ಲಿ ಶಾಸಕರಿಗೆ ತಲೆಗೆ ಮತ್ತು ಎಡಗೈಗೆ ಪೆಟ್ಟಾಗಿದೆ.

ಸುದ್ದಿ ತಿಳಿದು ಭಾರಿ ಸಂಖ್ಯೆಯಲ್ಲಿ ಜನರು ಆಸ್ಪತ್ರೆ ಎದುರು ನೆರೆದಿದ್ದರು. ಡಾ. ಉಮೇಶ ಜಾಧವ್ ಅವರು ಎರಡು ದಶಕದ ಹಿಂದೆ ಸಂಭವಿಸಿದ ರೈಲು ಅಪಘಾತದಲ್ಲೂ ಗಾಯಗೊಂಡಿದ್ದರು. ಇಂದಿನ ಅಪಘಾತದಿಂದ ಅವರಿಗೆ ಒಳ ಪೆಟ್ಟು ಘಾಸಿ ಮಾಡಿದೆ ಎನ್ನಲಾಗಿದೆ.