ಲುಕ್ಸಾರ್ (ಈಜಿಪ್ಟ್): ನೈಲ್ ನದಿಯಲ್ಲಿ ಸಾಗುತ್ತಿದ್ದ ಈಜಿಪ್ಟ್ ಹಡಗಿನಲ್ಲಿ ಕೋವಿಡ್–19 ಸೋಂಕಿತ ಶಂಕಿತರ ಸಂಖ್ಯೆ 45ಕ್ಕೆ ಏರಿದ್ದು, ಒಟ್ಟು 171 ಪ್ರಯಾಣಿಕರಲ್ಲಿ ಭಾರತದ ತಮಿಳುನಾಡಿನ 18 ಮಂದಿ ಇದ್ದಾರೆ.
ಚೆನ್ನೈನ ಒಬ್ಬರನ್ನು ಅಲೆಕ್ಸಾಂಡ್ರಿಯಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇತರ ಪ್ರಯಾಣಿಕರನ್ನು 14 ದಿನಗಳವರೆಗೆ ಪ್ರತ್ಯೇಕವಾಗಿರಿಸಿ ನಿಗಾ ವಹಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
ಚೆನ್ನೈನ ಅನಾಥಮಕ್ಕಳಿಗೆ ಆಶ್ರಯ ನೀಡಿರುವ ‘ಶರಣಾಲಯಂ’ನ ಸಂಸ್ಥಾಪಕ ರಂಗರಾಜ್‌ ಮತ್ತು ಅವರ ಪತ್ನಿ ವನಿತಾ ಅವರೂ ಈ ಹಡಗಿನಲ್ಲಿದ್ದಾರೆ.
