ಗರ್ಭಪಾತ ನಿಷೇಧ: ನಾನು ಜೀವ ಪರ– ಟ್ರಂಪ್‌

ಸೋಮವಾರ, ಜೂನ್ 24, 2019
24 °C

ಗರ್ಭಪಾತ ನಿಷೇಧ: ನಾನು ಜೀವ ಪರ– ಟ್ರಂಪ್‌

Published:
Updated:

ವಾಷಿಂಗ್ಟನ್‌ (ಎಎಫ್‌ಪಿ): ‘ನಾನು ಜೀವ ಪರ. ಪ್ರತಿಯೊಂದು ಜೀವಿಯೂ ಬದುಕಬೇಕು. ಆದರೆ, ಅತ್ಯಾಚಾರ ಮತ್ತು ಸಂಬಂಧಿಕರಿಂದಲೇ ಅತ್ಯಾಚಾರಕ್ಕೆ ಒಳಗಾದವರಿಗೆ ಗರ್ಭಪಾತ ನಿಷೇಧದಿಂದ ವಿನಾಯಿತಿ ನೀಡಬೇಕು’ ಎಂದು ಡೊನಾಲ್ಡ್‌ ಟ್ರಂಪ್‌ ಅಭಿಪ್ರಾಯಪಟ್ಟಿದ್ದಾರೆ.

 ಅಮೆರಿಕದ ಎರಡು ರಾಜ್ಯಗಳು ಇತ್ತೀಚೆಗೆ ಗರ್ಭಪಾತಕ್ಕೆ ಕಠಿಣ ನಿರ್ಬಂಧಗಳನ್ನು ವಿಧಿಸಿರುವುದಕ್ಕೆ ಟ್ರಂಪ್‌ ಈ ಪ್ರತಿಕ್ರಿಯೆ ನೀಡಿದ್ದಾರೆ. ಮುಂದಿನ ಅಧ್ಯಕ್ಷೀಯ ಚುನಾವಣೆಯಲ್ಲೂ ಗರ್ಭಪಾತ ವಿಷಯ ಪ್ರಮುಖವಾಗಿ ಚರ್ಚೆಯಾಗುವ ನಿರೀಕ್ಷೆ ಇದೆ.

‘ನಾನು ಜೀವ ಪರ. ಆದರೆ, ಮೂರು ವಿನಾಯಿತಿಗಳನ್ನು ನೀಡಬೇಕು. ಅತ್ಯಾಚಾರ, ಸಂಬಂಧಿಕರು ಅಥವಾ ತಂದೆಯಿಂದಲೇ ಅತ್ಯಾಚಾರಕ್ಕೆ ಒಳಗಾದ ಪ್ರಕರಣಗಳಲ್ಲಿ ಹಾಗೂ ತಾಯಿಯ ಜೀವ ಉಳಿಸುವ ಸಂದರ್ಭಗಳಲ್ಲಿ ವಿನಾಯತಿ ನೀಡಬೇಕು. ರೊನಾಲ್ಡ್‌ ರೇಗನ್‌ ಸಹ ಇದೇ ನಿಲುವು ಹೊಂದಿದ್ದರು’ ಎಂದು 
ಟ್ರಂಪ್‌ ಭಾನುವಾರ ಟ್ವೀಟ್‌ ಮಾಡಿದ್ದಾರೆ.

ಗರ್ಭಪಾತವನ್ನು ಸಂಪೂರ್ಣವಾಗಿ ನಿಷೇಧಿಸುವ ಕಾನೂನಿಗೆ ಅಲಬಾಮಾ ಗವರ್ನರ್‌ ಬುಧವಾರ ಸಹಿ ಹಾಕಿದ್ದರು. ಮಿಸ್ಸೌರಿಯಲ್ಲೂ ಎಂಟು ವಾರಗಳ ಗರ್ಭಪಾತ ಕಾನೂನುಬಾಹಿರ ಎಂದು ಕಾನೂನು ರೂಪಿಸಲಾಗಿತ್ತು. ಒಹಿಯೊ, ಕೆಂಟುಕಿ, ಲೊವಾ ಸೇರಿದಂತೆ ಹಲವು ರಾಜ್ಯಗಳು ಸಹ ಇದೇ ರೀತಿಯ ಕಾನೂನುಗಳನ್ನು ಈ ಹಿಂದೆಯೇ ರೂಪಿಸಿವೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !