ಗುರುವಾರ , ಜುಲೈ 29, 2021
21 °C

ಜರ್ಮನಿಯಲ್ಲಿರುವ ಅಮೆರಿಕ ಸೇನಾಪಡೆಗಳನ್ನು ಹಿಂದೆ ಕರೆಸಿಕೊಳ್ಳಲು ಟ್ರಂಪ್‌ ಚಿಂತನೆ

ಎಪಿ Updated:

ಅಕ್ಷರ ಗಾತ್ರ : | |

Prajavani

ಬರ್ಲಿನ್‌: ಜರ್ಮನಿಯಲ್ಲಿರುವ ಅಮೆರಿಕದ ಸೇನಾಪಡೆಯನ್ನು ಶೇ 25ರಷ್ಟು ಕಡಿತ ಮಾಡಲು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಚಿಂತನೆ ನಡೆಸಿದ್ದಾರೆ.

ರಕ್ಷಣಾ ವಲಯಕ್ಕೆ ಹೆಚ್ಚಿನ ಅನುದಾನ ನೀಡದೇ ಹೋದರೆ ಸೇನಾಪಡೆಗಳನ್ನು ವಾಪಸ್‌ ಕರೆಸಿಕೊಳ್ಳುವ ಎಚ್ಚರಿಕೆಯನ್ನು ಕಳೆದ ಒಂದು ವರ್ಷದಿಂದ ಅಮೆರಿಕ ನೀಡುತ್ತಿತ್ತು. ಪ್ರಸ್ತುತ ಜರ್ಮನಿಯಲ್ಲಿ 34,500 ಸೇನಾ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ಸೆಪ್ಟೆಂಬರ್ ಒಳಗಾಗಿ ಸೇವೆಯಲ್ಲಿರುವ ಸಿಬ್ಬಂದಿ ಸಂಖ್ಯೆಯನ್ನು 25 ಸಾವಿರಕ್ಕೆ ಕಡಿತಗೊಳಿಸಲು ಅಮೆರಿಕ ಚಿಂತನೆ ನಡೆಸಿದೆ. 

ಈ ತೀರ್ಮಾನದ ಕುರಿತು ಜರ್ಮನಿ ಅಥವಾ ನ್ಯಾಟೊ ಸದಸ್ಯ ರಾಷ್ಟ್ರಗಳ ಜೊತೆ ಅಮೆರಿಕ ಚರ್ಚಿಸಿಲ್ಲ ಹಾಗೂ ಕಾಂಗ್ರೆಸ್‌ಗೂ (ಸಂಸತ್ತು) ಈ ಮಾಹಿತಿಯನ್ನು ಅಧಿಕೃತವಾಗಿ ತಿಳಿಸಿಲ್ಲ. ಈ ಕಾರಣದಿಂದಾಗಿ ‘ಹೌಸ್‌ ಆರ್ಮ್‌ಡ್‌ ಸರ್ವೀಸ್‌’ ಸಮಿತಿಯಲ್ಲಿರುವ ರಿಪಬ್ಲಿಕನ್‌ ಪಕ್ಷದ 22 ಸದಸ್ಯರು ಈ ಚಿಂತನೆಯನ್ನು ಪುನರ್‌ಪರಿಶೀಲಿಸಲು ಆಗ್ರಹಿಸಿ ಟ್ರಂಪ್‌ಗೆ ಪತ್ರ ಬರೆದಿದ್ದಾರೆ.  

‘ರಷ್ಯಾದಿಂದ ಇರುವ ಅಪಾಯ ಕಡಿಮೆಯಾಗಿಲ್ಲ. ಈ ನಡೆಯಿಂದ ನ್ಯಾಟೊ ಮೇಲಿರುವ ಅಮೆರಿಕದ ಬದ್ಧತೆ ದುರ್ಬಲವಾಗಲಿದ್ದು, ರಷ್ಯಾದ ಅಪ್ರಚೋದಿತ ಆಕ್ರಮಣಕ್ಕೆ ಎಡೆಮಾಡಿಕೊಡಲಿದೆ’ ಎಂದು ಟೆಕ್ಸಾಸ್‌ನ ಮ್ಯಾಕ್‌ ಥಾರ್ನ್‌ಬೆರಿ ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ. ‘ಇದು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ಗೆ ಮಾಡುತ್ತಿರುವ ಮತ್ತೊಂದು ಸಹಾಯ’ ಎಂದು ಸೆನೆಟರ್‌ ಜ್ಯಾಕ್‌ ರೀಡ್‌ ಟೀಕಿಸಿದ್ದಾರೆ. 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು