ವಾಷಿಂಗ್ಟನ್:ವಲಸಿಗರಿಗೆ ಗ್ರೀನ್ಕಾರ್ಡ್ ನೀಡಲು ದೇಶಗಳ ಮೇಲೆ ಇದ್ದ ಶೇ 7ರ ಮಿತಿಯನ್ನು ತೆರವುಗೊಳಿಸುವ ಮಹತ್ವದ ಮಸೂದೆ ಬುಧವಾರ ಜನಪ್ರತಿನಿಧಿಗಳ ಸಭೆಯಲ್ಲಿ ಭಾರಿ ಬಹುಮತದಿಂದ ಅಂಗೀಕಾರವಾಗಿದೆ.
ಸೆನೆಟ್‌ನಲ್ಲಿ ಈ ಮಸೂದೆ ಅಂಗೀಕಾರವಾದರೆ ಬಳಿಕ ಅಮೆರಿಕ ಅಧ್ಯಕ್ಷರ ಅಂಕಿತದೊಂದಿಗೆ ಕಾನೂನಾಗಿ ಜಾರಿಗೆ ಬರಲಿದೆ. ಸೆನೆಟ್‌ನಲ್ಲಿ ಜನ ಪ್ರತಿನಿಧಿಗಳದ್ದೇ ಸಂಖ್ಯಾಬಲವಿದೆ.
ಅಮೆರಿಕದಲ್ಲಿ ಶಾಶ್ವತವಾಗಿ ಉದ್ಯೋಗ ಹಾಗೂ ವಾಸಕ್ಕೆ ಅನುಮತಿ ಪಡೆಯಲು ದೀರ್ಘಕಾಲದಿಂದ ಕಾಯುತ್ತಿರುವ ಭಾರತದ ಸಾವಿರಾರು ಪ್ರತಿಭಾವಂತ ಐಟಿ ಉದ್ಯೋಗಿಗಳುಇದರಿಂದ ನಿರಾಳವಾಗಲಿದ್ದಾರೆ.
**
ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಕೌಶಲ ಆಧರಿತ ಸಕ್ರಮ ವಲಸೆ ಬೆಂಬಲಿಸುವುದಾದರೆ ಈ ಮಸೂದೆಯನ್ನು ಜಾರಿಗೆ ತರಬೇಕು –ಝೊ ಲಾಫ್‌ಗ್ರೆನ್, ಅಮೆರಿಕ ಸಂಸತ್ ಸದಸ್ಯೆ
