Covid-19 Karnataka Update | 6,128 ಪ್ರಕರಣ, ಸೋಂಕಿತರ ಸಂಖ್ಯೆ 1.18 ಲಕ್ಷ

ರಾಜ್ಯದಲ್ಲಿ 83 ಮಂದಿ ಸಾವಿಗೀಡಾಗುವುದರೊಂದಿಗೆ ಮೃತರ ಸಂಖ್ಯೆ 2,230ಕ್ಕೆ ಏರಿದೆ. ಬೆಂಗಳೂರು ನಗರದಲ್ಲಿ ಒಂದೇ ದಿನ, 2,233 ಪ್ರಕರಣಗಳು ವರದಿಯಾಗಿದ್ದು, ಮೃತರ ಸಂಖ್ಯೆ ಸಾವಿರದ ಗಡಿ ದಾಟಿದೆ.

ಮೈಸೂರಿನಲ್ಲೂ ಏರಿಕೆ: ಮೈಸೂರಿನಲ್ಲಿಯೂ ಸೋಂಕಿತರ ಸಂಖ್ಯೆ ದಿನೇ ದಿನೇ ಏರುತ್ತಿದ್ದು, ಒಂದೇ ದಿನ 430 ಜನರಿಗೆ ಸೋಂಕು ದೃಢಪಟ್ಟಿದ್ದು 9 ಮಂದಿ ಮೃತಪಟ್ಟಿದ್ದಾರೆ.

ಬಳ್ಳಾರಿಯಲ್ಲಿ 343 ಜನ ಸೋಂಕಿತರಾಗಿದ್ದು, ಜು.30ರ ಒಂದೇ ದಿನ ಉಡುಪಿ, ಬೆಂಗಳೂರು ಗ್ರಾಮಾಂತರ, ಕಲಬುರ್ಗಿ, ಬೆಳಗಾವಿಯಲ್ಲಿ ಕೋವಿಡ್‌–19 ದೃಢಪಟ್ಟವರ ಸಂಖ್ಯೆ ದ್ವಿತಶಕದ ಗಡಿ ದಾಟಿದೆ. ಧಾರವಾಡದಲ್ಲಿ 8, ಕಲಬುರ್ಗಿ, ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ತಲಾ 7, ಹಾಸನ 6 ಹಾಗೂ ಉಡುಪಿ, ಬೆಳಗಾವಿಯಲ್ಲಿ ತಲಾ ನಾಲ್ವರು ಕೋವಿಡ್‌–19ನಿಂದ ಸಾವಿಗೀಡಾಗಿದ್ದಾರೆ. ತೀವ್ರ ನಿಗಾ ಘಟಕದಲ್ಲಿ ಒಟ್ಟು 620 ಜನ ಚಿಕಿತ್ಸೆ ಪಡೆಯುತ್ತಿದ್ದಾರೆ.

3,793 ಗುಣಮುಖ: ಗುರುವಾರ 3,793 ಜನ ಕೋವಿಡ್‌ನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಮನೆಗೆಮರಳಿದ್ದಾರೆ. ರಾಜ್ಯದಲ್ಲಿ ಗುಣಮುಖರಾದವರ ಒಟ್ಟು ಸಂಖ್ಯೆ 46,694ಕ್ಕೆ ಏರಿದೆ. ಬಳ್ಳಾರಿಯಲ್ಲಿ 337 ಜನ ಚೇತರಿಸಿಕೊಂಡು ಆಸ್ಪತ್ರೆಯಿಂದ ನಿರ್ಗಮಿಸಿದ್ದಾರೆ. ಅದೇ ರೀತಿ ಕಲಬುರ್ಗಿ, ದಕ್ಷಿಣಕನ್ನಡ, ಧಾರವಾಡ, ರಾಯಚೂರು, ಚಿಕ್ಕಬಳ್ಳಾಪುರದಲ್ಲಿ ಗುಣಮುಖರಾಗಿ, ಗುರುವಾರ ಮನೆಗೆ ತೆರಳಿದವರ ಸಂಖ್ಯೆ ಶತಕದ ಗಡಿ ದಾಟಿದೆ.

ಒಂದೇ ದಿನ 20,488 ಜನಕ್ಕೆ ಆ್ಯಂಟಿಜೆನ್‌ ಪರೀಕ್ಷೆ ಸೇರಿದಂತೆ, ಒಟ್ಟು 38,095 ಜನರಿಗೆ ಕೋವಿಡ್‌ ಪರೀಕ್ಷೆ ಮಾಡಲಾಗಿದೆ. ಈವರೆಗೆ ಒಟ್ಟು 13 ಲಕ್ಷಕ್ಕೂ ಹೆಚ್ಚು ಜನ ಪರೀಕ್ಷೆಗೆ ಒಳಗಾಗಿದ್ದಾರೆ.

ರಾಜ್ಯದ ಕೋವಿಡ್‌ ಅಂಕಿ–ಅಂಶ

ಒಟ್ಟು ಸೋಂಕಿತರು; 1,18,632

ಗುರುವಾರ ದೃಢಪಟ್ಟ ಪ್ರಕರಣಗಳು; 6,128

ಸಕ್ರಿಯ ಪ್ರಕರಣಗಳು; 69,700

ಗುಣಮುಖರಾದವರು;46,694

ಗುರುವಾರ ಗುಣಮುಖರಾದವರು;3,793

ಒಟ್ಟು ಮೃತಪಟ್ಟವರು;2,230

ಗುರುವಾರ ದೃಢಪಟ್ಟ ಸಾವು ಪ್ರಕರಣಗಳು;83

ಐಸಿಯುನಲ್ಲಿ ಇರುವವರು;620