ತಾಯಿ, ತಂಗಿ, ಸೋದರನ ಪತ್ನಿಯ ಅತ್ಯಾಚಾರ ಮಾಡಿದವನನ್ನು ಕುಟುಂಬಸ್ಥರೇ ಕೊಂದರು!

ಮಧ್ಯಪ್ರದೇಶದ ಡಾಟಿಯಾ ಎಂಬಲ್ಲಿ ಈ ಕೃತ್ಯ ನಡೆದಿದ್ದು, ಘಟನೆಯ ಹಿಂದಿನ ಕಾರಣ ನಾಗರಿಕ ಸಮಾಜವನ್ನು ಬೆಚ್ಚಿಬೀಳುವಂತೆ ಮಾಡಿದೆ. ತನಿಖೆ ವೇಳೆ ಕುಟುಂಬಸ್ಥರು ಹೇಳಿಕೊಂಡಿರುವ ಸಂಗತಿ ಪೊಲೀಸರನ್ನೇ ಬೆರಗಾಗಿಸಿದೆ.

‘ನನ್ನ ಮಗ ಮದ್ಯ ವ್ಯಸನಿಯಾಗಿದ್ದ. ಕುಡಿತಕ್ಕೆ ದಾಸನಾಗಿದ್ದ ಆತ, ಮನೆಯಲ್ಲಿದ್ದ ಹೆಣ್ಣು ಮಕ್ಕಳ ಮೇಲೆ ಸತತವಾಗಿ ಅತ್ಯಾಚಾರ ಮಾಡಿದ್ದಾನೆ. ತಾಯಿ, ತಂಗಿ, ಸೋದರನ ಪತ್ನಿಯನ್ನೂ ಆತ ಮಾನಭಂಗ ಮಾಡಿದ್ದಾನೆ. ಆತನ ಕೃತ್ಯಗಳನ್ನು ಸಹಿಸಲಾಗದೇ ನಾವೆಲ್ಲ ಸೇರಿ ಅವನ ಕತ್ತು ಹಿಸುಕಿ ಕೊಂದಿದ್ದೇವೆ,’ ಎಂದು ಮೃತನ ತಂದೆ ಹೇಳಿಕೊಂಡಿದ್ದಾರೆ.