ನೊಯಿಡಾ: ನಂಬರ್ ಪ್ಲೇಟ್ಗಳ ಮೇಲೆಜಾತಿಸೂಚಕ, ನಮ್ಮದೇ ಶ್ರೇಷ್ಠಜಾತಿ ಎಂದು ಬಿಂಬಿಸುವ ಘೋಷವಾಕ್ಯಗಳಿದ್ದ 250 ವಾಹನಗಳ ಮಾಲೀಕರಿಗೆಪೊಲೀಸರು ದಂಡ ವಿಧಿಸಿದ್ದಾರೆ.
ಸುಲಲಿತ ಸಂಚಾರ ಮತ್ತು ಅಪರಾಧ ತಡೆ ಆಂದೋಲನದ ಭಾಗವಾಗಿ ಶುಕ್ರವಾರ ‘ಆಪರೇಶನ್ ಕ್ಲೀನ್’ ಕಾರ್ಯಾಚರಣೆ ನಡೆಸಿರುವಪೊಲೀಸರು ಜನರಲ್ಲಿ ಭೀತಿಹುಟ್ಟಿಸುವಂಥ ಘೋಷವಾಕ್ಯಗಳಿರುವ ವಾಹನಗಳ ಮಾಲೀಕರ ವಿರುದ್ಧ ಪ್ರಕರಣ ದಾಖಲಿಸಿದರು.
‘ನಮ್ಮದೇ ಶ್ರೇಷ್ಠ ಜಾತಿ ಎನ್ನುವ ಅರ್ಥದ ಘೋಷವಾಕ್ಯಗಳಿದ್ದ ಒಟ್ಟು133 ವಾಹನಗಳ ವಿರುದ್ಧ ಪ್ರಕರಣ ದಾಖಲಿಸಿದ್ದೇವೆ. ಆಕ್ಷೇಪಾರ್ಹ ಬರಹಗಳಿದ್ದ ಇತರ 91 ವಾಹನಗಳಿಗೆ ದಂಡ ವಿಧಿಸಿದ್ದೇವೆ. ನಂಬರ್ ಪ್ಲೇಟ್ ಸರಿಯಿಲ್ಲದ ಅಥವಾ ಅದರ ಮೇಲೆ ಸಲ್ಲದ ಬರವಣಿಗೆ ಇದ್ದ 56 ವಾಹನಗಳ ವಿರುದ್ಧ ಕ್ರಮ ಜರುಗಿಸಲಾಗಿದೆ’ ಎಂದು ಪೊಲೀಸ್ ವಕ್ತಾರರು ಹೇಳಿದ್ದಾರೆ.
ದೀಪಾವಳಿ ಹಿನ್ನೆಲೆಯಲ್ಲಿ ಆಭರಣ ಮಳಿಗೆಗಳು, ಪೆಟ್ರೋಲ್ ಬಂಕ್ ಮತ್ತು ಮಾರುಕಟ್ಟೆಯ ಹಲವು ಮಳಿಗೆಗಳ ಮೇಲೆ ಪೊಲೀಸರು 11 ಗಂಟೆಯವರೆಗೂ ದಾಳಿ ನಡೆಸಿದ್ದರು.
‘ವಾಹನಗಳ ಮೇಲೆ ಜಾತಿಸೂಚಕ ಅಥವಾ ಆಕ್ಷೇಪಾರ್ಹ ಬರಹಗಳಿಗೆ ಕಡಿವಾಣ ಹಾಕಬೇಕಿದೆ. ಇಂಥ ಬರಹಗಳು ಜನರಲ್ಲಿ ಭೀತಿ, ಇರಿಸುಮುರಿಸುಉಂಟು ಮಾಡುತ್ತವೆ ಎಂಬ ದೂರುಗಳು ಬಂದ ಹಿನ್ನೆಲೆಯಲ್ಲಿ ಅಂಥ ವಾಹನಗಳ ವಿರುದ್ಧ ಕ್ರಮ ಜರುಗಿಸಲಾಯಿತು’ ಎಂದು ಹಿರಿಯ ಪೊಲೀಸ್ ಅಧಿಕಾರಿ ವೈಭವ್ ಕೃಷ್ಣ ಪ್ರತಿಕ್ರಿಯಿಸಿದರು.
ಈ ಪ್ರಕ್ರಿಯೆ ಮುಂದುವರಿಯುತ್ತೆ. ಕಾನೂನು ಕಾಪಾಡಿ, ಟ್ರಾಫಿಕ್ ನಿಯಮಗಳನ್ನು ಪಾಲಿಸಿ. ಇಲ್ಲದಿದ್ದರೆ ಶಿಸ್ತುಕ್ರಮ ಎದುರಿಸಲು ಸಿದ್ಧರಾಗಿ ಎಂದು ಅವರು ಸಾರ್ವಜನಿಕರಿಗೆ ಸೂಚಿಸಿದ್ದಾರೆ.