ಲೇಹ್‌ನಲ್ಲಿರುವ 34ರ ಹರೆಯದ ಯೋಧನಿಗೆ ಕೋವಿಡ್-19 ಸೋಂಕು
ನವದೆಹಲಿ: ಜಮ್ಮು ಕಾಶ್ಮೀರದ ಲೇಹ್‌ನಲ್ಲಿರುವ ಭಾರತೀಯ ಸೇನೆಯ ಯೋಧನಿಗೆ ಕೋವಿಡ್ -19 ಸೋಂಕು ತಗಲಿರುವುದು ದೃಢಪಟ್ಟಿದೆ. ಸೇನಾಪಡೆಯಲ್ಲಿ ಕೋವಿಡ್-19 ಸೋಂಕು ತಗಲಿರುವ ಮೊದಲ ಪ್ರಕರಣ ಇದಾಗಿದೆ.
ಲೇಹ್‌ನಲ್ಲಿರುವ ಚುಹೋಟ್ ಗ್ರಾಮ ನಿವಾಸಿಯಾಗಿರುವ ಈ ಯೋಧನ ಅಪ್ಪನಿಗೆ ಸೋಂಕು ತಗಲಿತ್ತು. ಇವರ ಅಪ್ಪ ಇರಾನ್‌ಗೆ ತೀರ್ಥಯಾತ್ರೆಗೆ ಹೋಗಿ ಫೆಬ್ರುವರಿ 27ಕ್ಕೆ ಏರ್ ಇಂಡಿಯಾ ವಿಮಾನದಲ್ಲಿ ಮರಳಿದ್ದರು. ಅವರನ್ನುಲಡಾಕ್ ಹಾರ್ಟ್ ಫೌಂಡೇಷನ್‌ನಲ್ಲಿ ಫೆಬ್ರುವರಿ 29ರಿಂದ ಪ್ರತ್ಯೇಕ ಕೋಣೆಯಲ್ಲಿರಿಸಿ ನಿಗಾ ಇಡಲಾಗಿದೆ. ಅಪ್ಪನ ಸಂಪರ್ಕದಿಂದಲೇ ಯೋಧನಿಗೆ ಸೋಂಕು ತಗಲಿದೆ.
ಇದನ್ನೂ ಓದಿ:ಕೋವಿಡ್-19: ಭಾರತದಲ್ಲಿ ರೋಗಿಗಳ ಸಂಖ್ಯೆ 148ಕ್ಕೆ ಏರಿಕೆ
ಫೆಬ್ರುವರಿ 25ರಿಂದ ಮಾರ್ಚ್ 1ರವರೆಗೆ ರಜೆಯಲ್ಲಿದ್ದ ಯೋಧ ಮಾರ್ಚ್2ರಂದು ಕರ್ತವ್ಯಕ್ಕೆ ಹಾಜರಾಗಿದ್ದರು. ಅಪ್ಪನಿಗೆ ಈತ ಸಹಾಯ ಮಾಡುತ್ತಿದ್ದು, ಕೆಲವು ದಿನಗಳ ಕಾಲ ಊರಲ್ಲಿ ತಂಗಿದ್ದನು ಎಂದು ಸೇನೆಯ ಅಧಿಕಾರಿಗಳು ಹೇಳಿದ್ದಾರೆ.
Army sources: First positive case of #COVID19 confirmed of an Indian Army jawan (from Ladakh Scouts). Jawan’s father has travel history to Iran. Jawan is being treated while his family including sister&wife have been put in quarantine. Jawan’s father has also tested positive.
— ANI (@ANI) March 17, 2020
Army sources: Indian Army has quarantined all the soldiers and colleagues of the Ladakh Scouts jawan who has tested positive for #COVID-19 in Ladakh. The jawan was attached to the Ladakh Scouts Regimental Centre in Leh. pic.twitter.com/D8W0do2qfE
— ANI (@ANI) March 18, 2020
ಇವರ ಅಪ್ಪನಿಗೆ ಕೋವಿಡ್-19 ಸೋಂಕು ತಗಲಿರುವುದು ಮಾರ್ಚ್ 6ಕ್ಕೆ ತಿಳಿದು ಬಂದಿತ್ತು. ಮಾರ್ಚ್ 16ಕ್ಕೆ ಯೋಧನನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದಾಗ ಸೋಂಕು ತಗಲಿರುವುದು ದೃಢಪಟ್ಟಿದೆ. ಮರುದಿನವೇ ಅವರನ್ನು ಪ್ರತ್ಯೇಕವಾಗಿಡಲಾಗಿದೆ. ಯೋಧನ ಸಹೋದರಿ, ಪತ್ನಿ ಮತ್ತು ಮಕ್ಕಳನ್ನು ಸೋನಮ್ ನರ್ಬೊ ಮೆಮೊರಿಯಲ್ ಆಸ್ಪತ್ರೆಯಲ್ಲಿ ಪ್ರತ್ಯೇಕವಾಗಿರಿಸಿ ನಿಗಾ ಇಡಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.