ಚಂಡಿಗಡ: ಹರಿಯಾಣದ ಕರ್ನಾಲ್ ಜಿಲ್ಲೆಯಲ್ಲಿ 50 ಅಡಿ ಆಳದ ಕೊಳವೆಬಾವಿಗೆ ಬಿದ್ದಿದ್ದ5 ವರ್ಷದ ಬಾಲಕಿ ಮೃತಪಟ್ಟಿದ್ದು ಸೋಮವಾರ ಮಧ್ಯಾಹ್ನ ಮೃತ ದೇಹವನ್ನು ಹೊರತೆಗೆಯಲಾಗಿದೆ.
ಕಳೆದ 18 ಗಂಟೆಗಳಿಂದ ಪೊಲೀಸರು, ಆಗ್ನಿಶಾಮಕ ಸಿಬ್ಬಂದಿಹಾಗೂ ಎನ್‌ಡಿಆರ್‌ಎಫ್‌ ತಂಡದವರು ನಡೆಸಿದ ಕಾರ್ಯಾಚರಣೆ ಫಲ ನೀಡಲಿಲ್ಲ. ಅಂತಿಮವಾಗಿ ಬಾಲಕಿಯ ಮೃತ ದೇಹವನ್ನು ಹೊರ ತೆಗೆಲಾಯಿತು ಎಂದುಕರ್ನಾಲ್ ಜಿಲ್ಲಾಡಳಿತ ತಿಳಿಸಿದೆ.
ಕರ್ನಾಲ್ ಜಿಲ್ಲೆಯಹರಿಸಿಂಗ್‌ಪುರ ಹಳ್ಳಿಯಲ್ಲಿ ಭಾನುವಾರ50 ಅಡಿ ಆಳದ ಕೊಳವೆಬಾವಿಗೆ 5 ವರ್ಷದ ಬಾಲಕಿ ಬಿದ್ದಿದ್ದಳು. ಬಾಲಕಿನಾಪತ್ತೆಯಾಗಿರುವುದು ತಿಳಿದ ಬಳಿಕ ಪೋಷಕರು ಹುಡುಕಾಟ ನಡೆಸಿದ್ದರು. ನಂತರ ಬಾಲಕಿ ಕೊಳವೆಬಾವಿಗೆ ಬಿದ್ದಿರುವುದು ಗೊತ್ತಾಗಿತ್ತು.
ಘಟನೆ ನಡೆದ ಕೆಲವು ಗಂಟೆಗಳ ಬಳಿಕ ಎನ್‌ಡಿಆರ್‌ಎಫ್‌ ತಂಡ ಬಂದು ಕಾರ್ಯಾಚರಣೆ ಆರಂಭಿಸಿತ್ತು.ಬಾಲಕಿಯನ್ನು ಜೀವಂತವಾಗಿ ಮೇಲೆತ್ತಲುನಡೆಸಿದ ಕಾರ್ಯಾಚರಣೆ ವಿಫಲವಾಯಿತು.
