ಚಲಿಸುವ ರೈಲು ಏರಿದರೆ ಕಾಣಲಿದೆ ನೀಲಿ ಬೆಳಕು !

7

ಚಲಿಸುವ ರೈಲು ಏರಿದರೆ ಕಾಣಲಿದೆ ನೀಲಿ ಬೆಳಕು !

Published:
Updated:

ನವದೆಹಲಿ: ಚಲಿಸುವ ರೈಲನ್ನು ಏರಲು ಪ್ರಯತ್ನಿಸಿ ಅಪಘಾತಕ್ಕೀಡಾಗುವ ಪ್ರಕರಣಗಳು ಹೆಚ್ಚುತ್ತಿದ್ದಂತೆ, ಇಂತಹ ಅವಘಡಗಳನ್ನು ತಡೆಯುವ ನಿಟ್ಟಿನಲ್ಲಿ ರೈಲ್ವೆ ಸಚಿವಾಲಯವು ಮುಂಬೈನಲ್ಲಿ ಹೊಸ ಪ್ರಯೋಗಕ್ಕೆ ಕೈ ಹಾಕಿದೆ.

ರೈಲು ಇನ್ನೇನು ಹೊರಡಲಿದೆ ಎನ್ನುವಾಗ ನೀಲಿ ಬೆಳಕಿನ ಸಂಜ್ಞೆ ಕಾಣಿಸಿಕೊಳ್ಳಲಿದೆ. ಈ ಸಂದರ್ಭದಲ್ಲಿ ಪ್ರಯಾಣಿಕರು ರೈಲನ್ನು ಹತ್ತಲು ಪ್ರಯತ್ನಿಸಬಾರದು ಎಂಬ ಎಚ್ಚರಿಕೆಯನ್ನು ನೀಡಲಾಗುತ್ತದೆ. 

’ಪ್ಲಾಟ್‌ಫಾರಂ ಮೇಲೆ ಬಾಕ್ಸ್ ಆಕಾರದಲ್ಲಿ ಈ ಬೆಳಕು ಕಾಣಿಸಿಕೊಳ್ಳಲಿದೆ. ಪ್ರಯಾಣಿಕರಿಗೆ ಸ್ಪಷ್ಟವಾಗಿ ಕಾಣುವ ರೀತಿಯಲ್ಲಿ ಈ ಸಂಜ್ಞೆ ಇರುತ್ತದೆ. ಎದುರಿನಿಂದ ಬರುವ ರೈಲುಗಳಿಗೂ ಇದರಿಂದ ಸೂಚನೆ ಸಿಗುತ್ತದೆ. ರೈಲ್ವೆ ಗಾರ್ಡ್‌ ಹಸಿರು ನಿಶಾನೆ ತೋರಿಸುವ ಸಾಧನಕ್ಕೆ ಈ ತಂತ್ರಜ್ಞಾನದ ಸಂಪರ್ಕ ಕಲ್ಪಿಸಲಾಗಿರುತ್ತದೆ‘ ಎಂದು ಅಧಿಕಾರಿಗಳು ಹೇಳಿದ್ದಾರೆ. 

ಮುಂಬೈನ ಸ್ಥಳೀಯ ರೈಲುಗಳ ಸಂಚಾರದ ವೇಳೆ ಪ್ರಾಯೋಗಿಕವಾಗಿ ಈ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಾಗುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಬರಹ ಇಷ್ಟವಾಯಿತೆ?

  • 1

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !