ನವದೆಹಲಿ (ಐಎಎನ್ಎಸ್): ಸಣ್ಣ, ಪುಟ್ಟ ಹೂಡಿಕೆದಾರರನ್ನು ಬಂಡವಾಳ ಹೂಡಿಕೆಯತ್ತ ಸೆಳೆಯಲು ಹಣಕಾಸು ಸಚಿವ ಪ್ರಣವ್ ಮುಖರ್ಜಿ ಶುಕ್ರವಾರ `ರಾಜೀವ್ ಗಾಂಧಿ ಷೇರು ಉಳಿತಾಯ ಯೋಜನೆ~ ಎಂಬ ಹೊಸ ತೆರಿಗೆ ವಿನಾಯತಿ ಯೋಜನೆ ಮುಂದಿಟ್ಟಿದ್ದಾರೆ.
10 ಲಕ್ಷಕ್ಕಿಂತ ಕಡಿಮೆ ವಾರ್ಷಿಕ ಆದಾಯ ಹೊಂದಿರುವ, 50 ಸಾವಿರ ರೂಪಾಯಿಯವರೆಗೆ ಷೇರು ಗಳಲ್ಲಿ ನೇರವಾಗಿ ಹಣ ತೊಡಗಿಸುವ ಹೊಸ ಹೂಡಿಕೆದಾರರಿಗೆ ಆದಾಯ ತೆರಿಗೆಯಲ್ಲಿ ಶೇ 50ರಷ್ಟು ವಿನಾಯತಿ ನೀಡಲಾಗುವುದು ಎಂದು ಪ್ರಣವ್ ತಿಳಿಸಿದ್ದಾರೆ.