ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ನಟ ಮಹೇಶ್‌ ಆನಂದ್ ಇನ್ನಿಲ್ಲ

Last Updated 9 ಫೆಬ್ರುವರಿ 2019, 17:32 IST
ಅಕ್ಷರ ಗಾತ್ರ

ಮುಂಬೈ: ಹಲವು ಯಶಸ್ವಿ ಚಲನಚಿತ್ರಗಳಲ್ಲಿ ಖಳನಾಯಕನಾಗಿ ನಟಿಸಿ ಗಮನಸೆಳೆದಿದ್ದ ಮಹೇಶ್‌ ಆನಂದ್‌ (57) ಶನಿವಾರ ನಿಧನರಾದರು.

80 ಮತ್ತು 90ರ ದಶಕದ ಚಲನಚಿತ್ರಗಳಲ್ಲಿ ಖಳನಾಯಕ ನಟರಾಗಿದ್ದ ಮಹೇಶ್‌ ಅಪಾರ ಜನಪ್ರಿಯತೆ ಗಳಿಸಿದ್ದರು. ನಟ ಗೋವಿಂದ್‌ ಅವರ ‘ರಂಗೀಲಾ ರಾಜಾ’ ಚಲನಚಿತ್ರ ಮಹೇಶ್‌ ನಟಿಸಿದ್ದ ಕೊನೆಯ ಚಿತ್ರವಾಗಿತ್ತು. ಕಳೆದ ತಿಂಗಳು ಜನವರಿ 18ರಂದು ಈ ಚಿತ್ರ ಬಿಡುಗಡೆಯಾಗಿತ್ತು.

18 ವರ್ಷಗಳ ಬಳಿಕ ‘ರಂಗೀಲಾ ರಾಜಾ’ದಲ್ಲಿ ಮಹೇಶ್‌ಗೆ ಮೊದಲ ಬಾರಿ ಅವಕಾಶ ದೊರೆತಿತ್ತು. 18 ವರ್ಷಗಳ ಕಾಲ ಯಾವುದೇ ಚಲನಚಿತ್ರದಲ್ಲಿ ಅವಕಾಶ ದೊರೆಯದ ಕಾರಣ ಕುಸ್ತಿ ಪಂದ್ಯಗಳಲ್ಲಿ ಪಾಲ್ಗೊಳ್ಳುತ್ತಿದ್ದರು. ಸುದೀರ್ಘ ಕಾಲ ಅವಕಾಶಗಳು ದೊರೆಯದ ಕಾರಣ ಹಣಕಾಸಿನ ಸಮಸ್ಯೆ ಎದುರಿಸಿದ್ದರು ಎಂದು ವರದಿಯಾಗಿದೆ.

ಕುರುಕ್ಷೇತ್ರ, ಸ್ವರ್ಗ, ಕೂಲಿ ನಂ.1, ವಿಜೇತ ಸೇರಿದಂತೆ ಹಲವು ಚಲನಚಿತ್ರಗಳಲ್ಲಿ ಅವರು ನಟಿಸಿದ್ದರು. ಬಾಲಿವುಡ್‌ ನಟರಾದ ಧರ್ಮೇಂದ್ರ, ಸನ್ನಿ ಡಿಯೋಲ್‌, ಅಮಿತಾಭ್‌ ಬಚ್ಚನ್‌ ಸೇರಿದಂತೆ ಹಲವು ಖ್ಯಾತನಾಮರ ಜತೆ ಅವರು ನಟಿಸಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT