‘ಸಾಹಿತ್ಯ ಸಮ್ಮೇಳನ: ಶೀಘ್ರ ಕಾರ್ಯಕಾರಿ ಸಮಿತಿ’

7
ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಡಾ. ಮನು ಬಳಿಗಾರ ಹೇಳಿಕೆ

‘ಸಾಹಿತ್ಯ ಸಮ್ಮೇಳನ: ಶೀಘ್ರ ಕಾರ್ಯಕಾರಿ ಸಮಿತಿ’

Published:
Updated:
ಮನು ಬಳಿಗಾರ

ಧಾರವಾಡ: ಅಕ್ಟೋಬರ್‌ ಅಥವಾ ನವೆಂಬರ್‌ ತಿಂಗಳಲ್ಲಿ ಧಾರವಾಡದಲ್ಲಿ ನಡೆಯಲಿರುವ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ರೂಪುರೇಷೆ ಸಿದ್ಧಪಡಿಸಲು ಮುಂದಿನ ತಿಂಗಳು ಕಾರ್ಯಕಾರಿ ಸಮಿತಿ ರಚಿಸಲಾಗುವುದು ಎಂದು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಡಾ.ಮನು ಬಳಿಗಾರ  ತಿಳಿಸಿದರು.

ಶುಕ್ರವಾರ ಇಲ್ಲಿ ಸುದ್ದಿಗಾರ ರೊಂದಿಗೆ ಮಾತನಾಡಿದ ಅವರು, ‘ಸಮಿತಿ ಸಭೆಗೆ ತಜ್ಞರನ್ನು ಆಹ್ವಾನಿಸಿ, ಮೇಳದ ಸ್ವರೂಪ ಹಾಗೂ ಅದನ್ನು ಯಶಸ್ವಿಗೊಳಿಸುವ ಕುರಿತು ಚರ್ಚೆ ನಡೆಸಲಾಗುವುದು. ನನ್ನ ಅವಧಿಯಲ್ಲಿ ನಡೆದ ಎರಡೂ ಸಮ್ಮೇಳನಗಳು ಯಶಸ್ವಿ
ಯಾಗಿವೆ. ಧಾರವಾಡದಲ್ಲಿ ಇನ್ನೂ ವಿಶಿಷ್ಟವಾಗಿ ಹೇಗೆ ನಡೆಸಬೇಕು ಎಂಬುದರ ಕುರಿತು ಸಲಹೆ ಪಡೆ ಯಲಾಗುವುದು’ ಎಂದರು.

‘ಎಲ್ಲರೂ ಮೆಚ್ಚುವಂತಹ ಸಮ್ಮೇಳನಾಧ್ಯಕ್ಷರು ಆಯ್ಕೆಯಾಗುವ ವಿಶ್ವಾಸವಿದೆ. ರಾಯಚೂರು ಸಮ್ಮೇಳನದಲ್ಲಿ ಬೆಂಗಳೂರು ಭಾಗದ ಬರಗೂರು ರಾಮಚಂದ್ರಪ್ಪ ಅಧ್ಯಕ್ಷರಾಗಿದ್ದರು. ಮೈಸೂರಿನ ಸಮ್ಮೇಳನದಲ್ಲಿ ಉತ್ತರ ಕರ್ನಾಟಕದವರಾದ ಡಾ. ಚಂದ್ರಶೇಖರ ಪಾಟೀಲ ಅಧ್ಯಕ್ಷರಾಗಿದ್ದರು. ಆಯಾ ಭಾಗದವರ ಯಾವುದೇ ಆಶಯಗಳಿಗೆ ಭಂಗ ಬಾರದಂತೆ, ಸ್ಥಳೀಯರನ್ನೂ ವಿಶ್ವಾಸಕ್ಕೆ ತೆಗೆದುಕೊಂಡು ಈ ಬಾರಿಯ ಅಧ್ಯಕ್ಷರ ಆಯ್ಕೆ ನಡೆಯಲಿದೆ. ಸದ್ಯ ಒಂದಿಷ್ಟು ಹೆಸರುಗಳು ಮನಸ್ಸಿನಲ್ಲಿವೆ. ಕಾಲ ಬಂದಾಗ ತಿಳಿಸಲಾಗುವುದು’ ಎಂದರು.

ಸಾಹಿತ್ಯ ಸಮ್ಮೇಳನ ರಾಜಕೀಯ ಸ್ವರೂಪ ಪಡೆಯುತ್ತಿದೆ ಎಂಬ ಪ್ರಶ್ನೆಗೆ,  ‘ಯಾವುದೇ ಸಮ್ಮೇಳನ ದಲ್ಲಿ ರಾಜಕೀಯ ಪ್ರವೇಶಿಸಿಲ್ಲ. ಯಾರಾದರೂ ರಾಜಕೀಯ ಮಾತನಾಡಿದ್ದರೆ, ಅದು ಅವರ ವೈಯಕ್ತಿಕವಷ್ಟೇ. ಬ್ರಿಟಿಷರು ನಮ್ಮನ್ನು ಆಳಿದ್ದರಿಂದಾಗಿ, ಆಳುವವರನ್ನು ನಾವು ದ್ವೇಷಿಸುವುದನ್ನು ರೂಢಿಸಿಕೊಂಡಿದ್ದೇವೆ. ವಾಸ್ತವದಲ್ಲಿ ರಾಜಕಾರಣಿಗಳು ನಮ್ಮ ಬಂಧುಗಳು. ಅವರ ಸೇವೆಯನ್ನೂ ಅಗತ್ಯ ಇರುವ ಕಡೆ ಪಡೆಯಲಾಗುವುದು’ ಎಂದು ಹೇಳಿದರು.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !