ಭವನದ ತಾರಸಿಯಲ್ಲಿ ಮಂಗಗಳ ಕಿರುಚಾಟ ಜೋರಾದಾಗ ಸಿಬ್ಬಂದಿ ಅಲ್ಲಿಗೆ ತೆರಳಿ ಅವುಗಳನ್ನು ಓಡಿಸಿದರು. ಆದರೆ ಮಂಗವೊಂದು ‌ಗಾಯಗೊಂಡು ಬಿದ್ದಿತ್ತು. ಇದನ್ನು ಗಮನಿಸಿದ ಸಿಬ್ಬಂದಿಯೊಬ್ಬರು, ತಕ್ಷಣವೇ ವನ್ಯಜೀವಿ ಸಂರಕ್ಷಣಾ ಸ್ವಯಂ ಸೇವಾ ಸಂಸ್ಥೆಗೆ ಮಾಹಿತಿ ನೀಡಿದ್ದಾರೆ. ಅರೆಪ್ರಜ್ಞಾವಸ್ಥೆಯಲ್ಲಿದ್ದ ಈ ಮಂಗ ನೀರಿನ ಟ್ಯಾಂಕ್‌ ಕೆಳಗೆ ಪತ್ತೆಯಾಗಿತ್ತು. ಎನ್‌ಜಿಒ ಸದಸ್ಯರು ಬರುವವರಿಗೂ ಸಿಬ್ಬಂದಿಯೇ ಅದರ ರಕ್ಷಣೆ ಮಾಡಿದ್ದಾರೆ.

‘ಮಂಗಕ್ಕೆ ಚಿಕಿತ್ಸೆ ನೀಡಲಾಗುತ್ತಿದೆ. ಅದು ಚೇತರಿಸಿಕೊಂಡ ನಂತರ ಕಾಡಿಗೆ ಬಿಡಲಾಗುವುದು’ ಎಂದು ಸ್ವಯಂ ಸೇವಾ ಸಂಸ್ಥೆ ವಿಶೇಷ ಯೋಜನೆಗಳ ಉಪನಿರ್ದೇಶಕ ವಾಸಿಂ ಅಕ್ರಂ ತಿಳಿಸಿದ್ದಾರೆ.