ಭಾನುವಾರ, ಮಾರ್ಚ್ 29, 2020
19 °C

ಇಮ್ರಾನ್‌ ಖಾನ್‌ ಕುಟುಂಬದ ನಂಟಿನ ಸ್ವಾರಸ್ಯಕರ ಸಂಗತಿ ಬಿಚ್ಚಿಟ್ಟ ಅಮರಿಂದರ್ ಸಿಂಗ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಚಂಡಿಗಡ: ಐತಿಹಾಸಿಕ ಕರ್ತಾರ್ಪುರ್ ಸಾಹಿಬ್ ಗುರುದ್ವಾರಕ್ಕೆ ಪ್ರಾರ್ಥನೆಗೆ ಹೋಗುವಾಗ ಪಂಜಾಬ್ ಮುಖ್ಯಮಂತ್ರಿ ಅಮರಿಂದರ್ ಸಿಂಗ್ ಅವರು, ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಜತೆ ಐದು ನಿಮಿಷ ಬಸ್ ಪ್ರಯಾಣ ಮಾಡಿದ್ದು, 1934-35ರಲ್ಲಿ ತಮ್ಮ ತಂದೆಯ ನಾಯಕತ್ವದಲ್ಲಿ ಖಾನ್‌ನ ಚಿಕ್ಕಪ್ಪ ಪಟಿಯಾಲ ತಂಡದಲ್ಲಿ ಕ್ರಿಕೆಟ್ ಆಡಿದ್ದನ್ನು ಸ್ಮರಿಸಿಕೊಂಡಿದ್ದಾರೆ.

ಗುರುದ್ವಾರದ ಮೊದಲ ಯಾತ್ರೆಯ ಭಾಗವಾಗಿ ಸಿಂಗ್, ಪಾಕ್ ಪ್ರಧಾನಿ ಮತ್ತು ವಿದೇಶಾಂಗ ಸಚಿವರು ಕರ್ತಾರ್‌ಪುರದ ಅಂತರರಾಷ್ಟ್ರೀಯ ಗಡಿಯಲ್ಲಿ ಸ್ವಾಗತಿಸಿದ ನಂತರ ಪಾಕ್  ಐದು ನಿಮಿಷ ಖಾನ್‌ ಅವರೊಂದಿಗೆ ಬಸ್ ಪ್ರಯಾಣ ಮಾಡಿದರು.

ಈ ಕುರಿತು ಪಂಜಾಬ್ ಮುಖ್ಯಮಂತ್ರಿಗಳ ಕಚೇರಿಯು ಅಧಿಕೃತ ಹೇಳಿಕೆಯನ್ನು ಬಿಡುಗಡೆ ಮಾಡಿದ್ದು, ಕಡಿಮೆ ಅವಧಿಯ ಪ್ರಯಾಣದಲ್ಲಿ ಆಸಕ್ತಿದಾಯಕವಾಗಿರುವ ವಿಚಾರ ಕುರಿತು ಇಬ್ಬರು ಮಾತನಾಡಿದ್ದಾರೆ. ಕ್ರಿಕೆಟ್ ಎನ್ನುವುದು ಪ್ರತಿ ಭಾರತೀಯರ ಮತ್ತು ಪಾಕಿಸ್ತಾನ ನಡುವಿನ ಸಾಮಾನ್ಯ ವಿಚಾರ. ಅಲ್ಲದೆ ಎರಡು ಕಡೆಗಳಲ್ಲಿನ ಬಾಂಧವ್ಯ ಮತ್ತು ಭಾವನೆಗಳನ್ನು ಗರಿಗೆದರಿಸುವ ವಿಚಾರವಾಗಿದೆ ಎಂದು ಹೇಳಿದೆ.

ಈ ಮೊದಲು ಸಿಂಗ್ ಮತ್ತು ಖಾನ್ ಒಬ್ಬರನ್ನೊಬ್ಬರು ಭೇಟಿಯಾಗದೆ ವೈಯಕ್ತಿಕವಾಗಿ ಏನನ್ನು ತಿಳಿದಿರಲಿಲ್ಲ.  ಆ ಬಸ್ ಪ್ರಯಾಣ ಇಮ್ರಾನ್ ಖಾನ್ ಕುಟುಂಬ ತಮ್ಮ ಕುಟುಂಬದೊಂದಿಗೆ ವಿಶೇಷ ಬಾಂಧವ್ಯ ಹೊಂದಿತ್ತು ಎಂಬುದನ್ನು ಸಿಂಗ್ ನೆನಪಿಸಿದ್ದಾರೆ. ಖಾನ್ ಕ್ರಿಕೆಟ್ ಆಡುತ್ತಿದ್ದ ಕಾಲದಲ್ಲಿ ಅವರ ಆಟವನ್ನು ನೋಡಿರುವುದಾಗಿ ತಿಳಿಸಿದ್ದಾರೆ.

ಖಾನ್‌ರ ಚಿಕ್ಕಪ್ಪ ಜಹಾಂಗೀರ್ ಖಾನ್ ಅವರು ಪಟಿಯಾಲ ತಂಡದಲ್ಲಿ ಮೊಹ್ದ್ ನಿಸಾರ್, ಲಾಲಾ ಅಮರ್‌ನಾಥ್, ವೇಗಿ ಅಮರ್ ಸಿಂಗ್ ಮತ್ತು ಬ್ಯಾಟ್ಸ್‌ಮನ್‌ಗಳಾದ ವಾಜಿರ್ ಅಲಿ ಮತ್ತು ಅಮಿರ್ ಅಲಿ ಅವರೊಂದಿಗೆ ಆಟವಾಡಿದ್ದಾರೆ. ಈ ಏಳು ಆಟಗಾರರು ಪಟಿಯಾಲ ರಾಜ್ಯವನ್ನಾಳುತ್ತಿದ್ದ ಸಿಂಗ್ ತಂದೆ ಮಹಾರಾಜ ಯದ್ವಿಂದರ್ ಸಿಂಗ್ ಅವರ ನಾಯಕತ್ವದ ತಂಡದಲ್ಲಿದ್ದರು ಎಂದು ಹೇಳಿದಾಗ ಇಮ್ರಾನ್ ಖಾನ್ ಈ ವಿಚಾರಗಳನ್ನು ಆಸ್ವಾದಿಸಿದರು.

ಅಮರಿಂದರ್ ಸಿಂಗ್ ಅವರು ಮಾಜಿ ಸಚಿವ ನವಜೋತ್ ಸಿಂಗ್ ಸಿಧು ಅವರೊಂದಿಗೆ ಪಾಕ್ ಪ್ರಧಾನಿ ಜತೆ ಪ್ರಯಾಣಿಸಿದ್ದಾರೆ. ಬಸ್‌ನಲ್ಲಿ ಪಾಕ್ ವಿದೇಶಾಂಗ ಸಚಿವರು ಕೂಡ ಇದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು