‘ಹತಾಶೆಗೊಂಡಿರುವ ಪಾಕಿಸ್ತಾನದ ಸೇನೆಯು ಮಂಗಳವಾರ ಸಂಜೆ 6.30ರಿಂದಲೇ ಶೆಲ್ ದಾಳಿ ಆರಂಭಿಸಿತು. ಗ್ರಾಮಸ್ಥರನ್ನು ಮಾನವ ಗುರಾಣಿಯಂತೆ ಬಳಸಿಕೊಂಡು, ಅಲ್ಲಿಂದಲೇ ಮಾರ್ಟರ್ ಮತ್ತು ಕ್ಷಿಪಣಿಗಳನ್ನೂ ಉಡಾವಣೆ ಮಾಡಿತು. ಆದರೆ ಜನವಸತಿಯಿಂದ ದೂರವಿರುವ ಪಾಕಿಸ್ತಾನದ ಸೇನೆಯ ಠಾಣೆಗಳನ್ನಷ್ಟೇ ಗುರಿಯಾಗಿಸಿ ಭಾರತದ ಸೇನೆ ಪ್ರತಿದಾಳಿ ನಡೆಸಿತು’ ಎಂದು ಅವರು ಹೇಳಿದ್ದಾರೆ. ಗುಂಡಿನ ಚಕಮಕಿ ವೇಳೆ ಐವರು ಯೋಧರು ಗಾಯಗೊಂಡಿದ್ದು, ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.