ಸೈನಿಕೇತರ ಸಿಬ್ಬಂದಿಯ ನಿವೃತ್ತಿ ವಯಸ್ಸನ್ನು ಹೆಚ್ಚಿಸಿದರೆ ಅವರ ಅನುಭವದ ಲಾಭವನ್ನು ಪಡೆಯಲು ಸೇನೆಗೆ ಸಾಧ್ಯವಾಗಲಿದೆ ಎಂದು ಹೇಳಲಾಗಿದೆ. ಸೇನೆಯ ಆಸ್ಪತ್ರೆಗಳಲ್ಲಿರುವ ನರ್ಸಿಂಗ್ ಸಹಾಯಕರು, ರೋಗ ಪತ್ತೆ ತಂತ್ರಜ್ಞರು, ವಿವಿಧ ಡಿಪೊಗಳಲ್ಲಿ ಕೆಲಸ ಮಾಡುವ ತಂತ್ರಜ್ಞರು ಹೀಗೆ ಹಲವರು ಸೇನೆಯಲ್ಲಿ ಸುದೀರ್ಘ ಅನುಭವ ಹೊಂದಿರುತ್ತಾರೆ. ಇಂಥವರ ತರಬೇತಿಗಾಗಿ ಸೇನೆ ಲಕ್ಷಾಂತರ ರೂಪಾಯಿ ವೆಚ್ಚ ಮಾಡಿರುತ್ತದೆ. ಇಂಥವರು 42ನೇ ವಯಸ್ಸಿನಲ್ಲಿ ನಿವೃತ್ತರಾದರೆ ಬಳಿಕ ಅವರು ಖಾಸಗಿ ಸಂಸ್ಥೆಗಳನ್ನು ಸೇರುತ್ತಾರೆ. ಸೇನೆ ನೀಡಿದ ತರಬೇತಿ ಹಾಗೂ ಅವರ ಅನುಭವದ ಲಾಭವು ಖಾಸಗಿ ಸಂಸ್ಥೆಯವರಿಗೆ ಲಭಿಸುತ್ತದೆ ಎಂಬುದು ಸೇನೆಯ ವಾದವಾಗಿದೆ.