72 ಸಾವಿರ ಬಂದೂಕು ಖರೀದಿ: ಅಮೆರಿಕದೊಂದಿಗೆ ಒಪ್ಪಂದ

‘ತ್ವರಿತ ಗತಿ ಖರೀದಿ ಪ್ರಕ್ರಿಯೆ’ ಯಡಿ ₹ 700 ಕೋಟಿ ವೆಚ್ಚದಲ್ಲಿ ಈ ಬಂದೂಕುಗಳನ್ನು ಖರೀದಿ ಮಾಡಲಾಗುತ್ತಿದೆ. ಒಂದು ವರ್ಷದ ಒಳಗಾಗಿ ಕಂಪನಿ ಈ ಬಂದೂಕುಗಳನ್ನು ಪೂರೈಕೆ ಮಾಡಲಿದೆ ಎಂದು ರಕ್ಷಣಾ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.

ಸ್ವತಃ ಅಮೆರಿಕ ಅಲ್ಲದೇ, ಯುರೋಪ್‌ನ ಅನೇಕ ರಾಷ್ಟ್ರಗಳ ಭದ್ರತಾ ಪಡೆಗಳು ಈ ಬಂದೂಕುಗಳನ್ನು ಬಳಕೆ ಮಾಡುತ್ತಿವೆ.

ಸದ್ಯ, ಸೇನಾಪಡೆಗಳು ಐಎನ್‌ಎಸ್‌ಎಎಸ್‌ ಬಂದೂಕುಗಳನ್ನು ಬಳಸುತ್ತಿವೆ. ಈಗಿನ ಅಗತ್ಯಕ್ಕಾಗಿ ಅತ್ಯಾಧುನಿಕ ತಂತ್ರಜ್ಞಾನ ಹಾಗೂ ಗಡಿಭಾಗದಲ್ಲಿನ ಪರಿಸ್ಥಿತಿಯಲ್ಲಿ ಸುಲಭ ಬಳಕೆ ಹಾಗೂ ನಿರ್ವಹಣೆ ಸಾಧ್ಯವಿರುವ ‘ಸಿಗ್‌ ಸಾವರ್’ ಕಂಪನಿ ತಯಾರಿಸುವ ಬಂದೂಕುಗಳನ್ನು ಖರೀದಿಸಲು ತೀರ್ಮಾನಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.