ಪುಸ್ತಕ ನಿಷೇಧದಿಂದ ಮುಕ್ತ ಚಿಂತನೆಗೆ ಧಕ್ಕೆ

7

ಪುಸ್ತಕ ನಿಷೇಧದಿಂದ ಮುಕ್ತ ಚಿಂತನೆಗೆ ಧಕ್ಕೆ

Published:
Updated:
Deccan Herald

ನವದೆಹಲಿ: ‘ಪುಸ್ತಕಗಳನ್ನು ನಿಷೇಧಿಸುವುದರಿಂದ ಮುಕ್ತ ಚಿಂತನೆಗೆ ಧಕ್ಕೆಯಾಗುತ್ತದೆ’ ಎಂದು ಸುಪ್ರೀಂ ಕೋರ್ಟ್‌ ಅಭಿಪ್ರಾಯಪಟ್ಟಿದೆ.

ಮಲಯಾಳ ಲೇಖಕ ಎಸ್‌.ಹರೀಶ್‌ ಅವರ ‘ಮೀಸಾ’ ಕಾದಂಬರಿ ನಿಷೇಧಿಸುವಂತೆ ದೆಹಲಿಯ ಎನ್.ರಾಧಾಕೃಷ್ಣನ್ ಎಂಬುವವರು ಅರ್ಜಿ ಸಲ್ಲಿಸಿದ್ದರು. ಮುಖ್ಯ ನ್ಯಾಯಮೂರ್ತಿ ದೀಪಕ್ ಮಿಶ್ರಾ ಮತ್ತು ಎ.ಎಂ.ಖಾನ್ವಿಲ್ಕರ್ ಮತ್ತು ಡಿ.ವೈ.ಚಂದ್ರಚೂಡ್ ಅವರಿದ್ದ ಪೀಠವು ಅರ್ಜಿಯ ವಿಚಾರಣೆ ನಡೆಸಿತು.

‘ಆಶ್ಲೀಲವಾಗಿರದ ಹೊರತು ಯಾವುದೇ ಪುಸ್ತಕವನ್ನು ನಿಷೇಧಿಸಕು ಸಾಧ್ಯವಿಲ್ಲ. ಸಾಹಿತ್ಯ ಕೃತಿಗಳನ್ನು ಬೇರೆ–ಬೇರೆ ನೆಲೆಗಟ್ಟಿನಲ್ಲಿ ವಿಮರ್ಶಗೆ ಒಳಪಡಿಸಬೇಕಾಗುತ್ತದೆ. ಈ ಕಾದಂಬರಿಯ ವಿಷಯವಸ್ತುವೇನು? ದರಲ್ಲಿನ ಪಾತ್ರಗಳು ಯಾವುವು’ ಎಂದು ಪೀಠವು ಅರ್ಜಿದಾರರ ಪರ ವಕೀಲ ಗೋಪಾಲ ಶಂಕರನಾರಾಯಣ ಅವರನ್ನು ಪ್ರಶ್ನಿಸಿತು.

‘ಕಾದಂಬರಿಯಲ್ಲಿ ಮಹಿಳೆಯರನ್ನು ಮತ್ತು ದೇವಾಸ್ಥಾನಗಳಿಗೆ ಹೋಗುವುದನ್ನು ಅವಹೇಳನ ಮಾಡಲಾಗಿದೆ’ ಎಂದು ಶಂಕರನಾರಾಯಣ ವಿವರಿಸಿದರು.

‘ಸಾಹಿತ್ಯಕ್ಕೆ ಅಷ್ಟಾದರೂ ಸ್ವಾತಂತ್ರ ಇರಬೇಕು’ ಎಂದು ಪೀಠ ಅಭಿಪ್ರಾಯಪಟ್ಟಿತು.

ಆಗ ಅರ್ಜಿಯನ್ನು ವಾಪಸ್ ಪಡೆಯಲು ಅನುಮತಿ ನೀಡುವಂತೆ ಅರ್ಜಿದಾರರ ಪರ ವಕೀಲರು ಮನವಿ ಮಾಡಿಕೊಂಡರು. ಆದರೆ ಆ ಮನವಿಯನ್ನು ಪೀಠ ತಿರಸ್ಕರಿಸಿತು. ‘ಕಾದಬಂರಿಯ ಎರಡು ಅಧ್ಯಾಯಗಳನ್ನು ಇಂಗ್ಲಿಷ್‌ಗೆ ಅನುವಾದ ಮಾಡಿಕೊಂಡು, ಐದು ದಿನಗಳ ಒಳಗೆ ನ್ಯಾಯಾಲಯಕ್ಕೆ ಸಲ್ಲಿಸಿ’ ಎಂದು ಮಾತೃಭೂಮಿ ಪತ್ರಿಕೆ ಪರ ಹಾಜರಿದ್ದ ವಕೀಲರಿಗೆ ಸೂಚಿಸಿತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !