ಹೈದರಾಬಾದ್‌(ಪಿಟಿಐ): ಆನ್‌ಲೈನ್‌ಬಿಟ್‌ಕಾಯಿನ್‌ ವಹಿವಾಟು ಹೆಸರಿನಲ್ಲಿ ತೆಲಂಗಾಣ ಸೇರಿದಂತೆ ದಕ್ಷಿಣ ಭಾರತದ ರಾಜ್ಯಗಳಸಾವಿರಾರು ಜನರಿಗೆ ಮೋಸ ಮಾಡಿರುವ ವ್ಯಕ್ತಿಯನ್ನು ದೆಹಲಿಯಲ್ಲಿ ಪೊಲೀಸರು ಬಂಧಿಸಿದ್ದಾರೆ.
ಆಶಿಶ್‌ ಮಲಿಕ್‌ ಬಂಧಿತ ವ್ಯಕ್ತಿ. ಮೋಸ ಹೋದವರು ನೀಡಿದ ದೂರಿನ ಆಧಾರದಡಿಈತನನ್ನು ವಾರೆಂಟ್‌ನಡಿ ಗುರುವಾರ ನಗರಕ್ಕೆ ಕರೆತರಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮುಖ್ಯ ಆರೋಪಿಮಲಿಕ್‌ ಸೇರಿದಂತೆ ಇತರೆ ಆರೋಪಿಗಳು ನಾಲ್ಕು ವಿವಿಧ ವೆಬ್‌ಸೈಟ್‌ಗಳ ಮುಖಾಂತರ ಜನರಿಂದ ಹಣ ಸಂಗ್ರಹಿಸುತ್ತಿದ್ದರು.
ಮಲಿಕ್‌ ಒಬ್ಬನೇ ಅಂದಾಜು 1,200 ಹೂಡಿಕೆದಾರರಿಂದ ₹52 ಕೋಟಿ ಸಂಗ್ರಹಿಸಿದ್ದ. ತೆಲಂಗಾಣದ 250 ಹೂಡಿಕೆದಾರರು ಸೇರಿದಂತೆ ದಕ್ಷಿಣ ರಾಜ್ಯದಿಂದಲೇ ₹10 ಕೋಟಿ ಹೂಡಿಕೆಯಾಗಿತ್ತು.
