ಮುಂದಿನ ವರ್ಷ ದೆಹಲಿ ವಿಧಾನಸಭೆ ಚುನಾವಣೆ| ಬಿಜೆಪಿ ಅಧಿಕಾರಕ್ಕೆ ಬರಲಿದೆ ಎಂದ ನಡ್ಡಾ

‘ದೆಹಲಿಯಲ್ಲಿ ಬಿಜೆಪಿಯು ಬಿಡುವಿಲ್ಲದೆ ಶ್ರಮಿಸುತ್ತಿದೆ. ಪಕ್ಷದ ಹಿರಿಯ ನಾಯಕರು ಇಲ್ಲಿನ ಸುಮಾರು 600 ಹಳ್ಳಿಗಳನ್ನು ದತ್ತು ಪಡೆದು ಅಭಿವೃದ್ಧಿಗಾಗಿ ಶ್ರಮಿಸುತ್ತಿದ್ದಾರೆ. ತಳಮಟ್ಟದಿಂದ ಜನರ ಸಂಕಷ್ಟಗಳನ್ನು ಅರಿಯಲು ಪಕ್ಷದ ಸದಸ್ಯರು ಕೊಳಗೇರಿಗಳಲ್ಲಿ 21 ರಾತ್ರಿ ತಂಗಿದ್ದಾರೆ’ ಎಂದುರಾಜ್ಯ ಬಿಜೆಪಿ ಕಾರ್ಯಕಾರಿಣಿ ಸಭೆಯಲ್ಲಿ ಶನಿವಾರಮಾತನಾಡಿದರು

‘ಲೋಕಸಭೆ ಚುನಾವಣೆ ಸಂದರ್ಭ ನಾವು ಇಲ್ಲಿನ ಒಟ್ಟು 13 ಸಾವಿರ ಮತಕೇಂದ್ರಗಳಲ್ಲಿ 12 ಸಾವಿರಕಡೆ ಮುನ್ನಡೆ ಸಾಧಿಸಿದ್ದೇವೆ. ವಿಧಾನಸಭೆಯಲ್ಲಿಯೂ ಗೆದ್ದು ದೆಹಲಿಯಲ್ಲಿ ಈ ಬಾರಿ ಅಧಿಕಾರಕ್ಕೇರಲಿದ್ದೇವೆ’ ಎಂದರು.

‘ಪ್ರತಿಯೊಬ್ಬರೂ ವೈಯಕ್ತಿಕವಾಗಿ ಪಕ್ಷದ ಗೆಲುವಿಗಾಗಿ ಶ್ರಮಿಸಬೇಕು. ಜೊತೆಗೆ ಪಕ್ಷಕ್ಕೆ ತನ್ನಿಂದ ಏನು ಕೊಡುಗೆ ನೀಡಲು ಸಾಧ್ಯ ಎಂಬುದನ್ನುಅರಿತು ಕೊಡುಗೆ ನೀಡಬೇಕು. ಮೊದಲು ಪಕ್ಷ, ನಂತರ ನಾವು ಎಂಬುದನ್ನು ಯೋಚಿಸಿ. ಪಕ್ಷವನ್ನು ಸದೃಢವಾಗಿ ಕಟ್ಟಲು ಹಾಗೂ ರಾಜಧಾನಿಯಲ್ಲಿ ಗೆಲವು ಸಾಧಿಸುವ ಸಲುವಾಗಿ ಎಲ್ಲರೂ ಒಟ್ಟಾಗಿ ಕೆಲಸಮಾಡಿ’ ಎಂದೂ ಕಾರ್ಯಕರ್ತರಲ್ಲಿ ಮನವಿ ಮಾಡಿದರು.

ಕಳೆದ ಐದು ವರ್ಷಗಳ ಅವಧಿಯಲ್ಲಿ ರಾಜ್ಯದಲ್ಲಿಬಿಜೆಪಿ ಕೈಗೊಂಡಿರುವ ಪ್ರಮುಖ ಕಾರ್ಯಕ್ರಮಗಳ ಬಗ್ಗೆಯೂ ತಿಳಿಸಿದ ನಡ್ಡಾ, ‘ವಿದ್ಯುತ್‌ ಸಂಪರ್ಕ ಹೊಂದಿರದಿದ್ದ18 ಸಾವಿರ ಹಳ್ಳಿಗಳಿಗೆ ಉಜ್ವಲಾ ಯೋಜನೆ ನೀಡಲಾಗಿದೆ. ಇದು ಸುಮಾರು 8 ಕೋಟಿ ಜನರನ್ನು ತಲುಪಿದೆ. ನವಭಾರತ ಎಂದರೆ ಇದು. ಎಲ್ಲ ಕಡೆಗಳಲ್ಲಿಯೂ ಜನರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಬೆಂಬಲಿಸುತ್ತಿದ್ದಾರೆ. ಎಲ್ಲರೂ ರೈತರ ಬಗ್ಗೆ ಮಾತನಾಡುತ್ತಾರೆ. ಆದರೆ ಬಿಜೆಪಿ ಪ್ರಧಾನಮಂತ್ರಿ ಕಿಸಾನ್‌ ಸಮ್ಮಾನ್‌ ನಿಧಿ ಯೋಜನೆ ಜಾರಿಗೆ ತಂದಿದೆ’ ಎಂದು ಮನವರಿಕೆ ಮಾಡಿಕೊಟ್ಟರು.

ಕಾರ್ಯಕ್ರಮದಲ್ಲಿ ಕೇಂದ್ರ ಸಚಿವ ವಿಜಯ್‌ ಗೋಯಲ್‌ ಹಾಗೂ ದೆಹಲಿ ಬಿಜೆಪಿ ಮುಖ್ಯಸ್ಥ ಮನೋಜ್‌ ತಿವಾರಿ ಅವರೂ ಪಾಲ್ಗೊಂಡಿದ್ದರು.