ಮೋದಿಗಾಗಿ ‘ಸೇವಾ ಸಪ್ತಾಹ’

ತ್ರಿಕೂಟ ನಗರ್‌ನಲ್ಲಿ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದ ಬಿಜೆಪಿಪಕ್ಷದ ರಾಷ್ಟ್ರೀಯ ಉಪಾಧ್ಯಕ್ಷ, ಜಮ್ಮು ಮತ್ತು ಕಾಶ್ಮೀರದ ಉಸ್ತುವಾರಿ ಅವಿನಾಶ್‌ ರೈ ಖನ್ನಾ,‘ಸೆಪ್ಟೆಂಬರ್‌ 17 ಮೋದಿ ಅವರ ಜನ್ಮ ದಿನಾಚರಣೆ. ಈ ಹಿನ್ನೆಲೆಯಲ್ಲಿ ಸೆಪ್ಟೆಂಬರ್ 14ರಿಂದ 20ರವರೆಗೆ ಸೇವಾ ಸಪ್ತಾಹ ಆಚರಿಸುವ ಬೃಹತ್‌ ನಿರ್ಧಾರವೊಂದನ್ನು ಕೈಗೊಂಡಿದ್ದೇವೆ. ದೇಶದ ಅಭಿವೃದ್ಧಿಗಾಗಿ
ಶ್ರಮಿಸುತ್ತಿರುವ ಮೋದಿ ಅವರಿಗೆ ಆಯುರಾರೋಗ್ಯಕ್ಕಾಗಿ ಈ ವೇಳೆ ಪ್ರಾರ್ಥಿಸೋಣ’ ಎಂದರು.

‘ಸೇವಾ ಸಪ್ತಾಹ ಆಚರಣೆಯ ಮೇಲುಸ್ತುವಾರಿಗಾಗಿ ಪಕ್ಷ ರಚಿಸಿರುವ ನಾಲ್ಕು ಸದಸ್ಯರ ತಂಡದಲ್ಲಿ ನಾನೂ ಇದ್ದೇನೆ. ಕಾರ್ಯಕರ್ತರೆಲ್ಲರೂ ಜತೆಗೂಡಿ ಪಕ್ಷವನ್ನು ವೃದ್ಧಿಗೊಳಿಸಬೇಕು’ ಎಂದರು. ಕಾರ್ಯಕ್ರಮದಲ್ಲಿ ವಿಕಾಸ್‌ ಮಂಚ್‌ ಸಂಘದ ಸದಸ್ಯರು ಸೇರಿದಂತೆ ಪ್ರಮುಖರು ಬಿಜೆಪಿ ಸೇರ್ಪಡೆಗೊಂಡರು.