ನವದೆಹಲಿ: ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಿಂದ (ಪಿಒಕೆ) ಭಾರತಕ್ಕೆ ಸ್ಥಳಾಂತರಗೊಂಡ ಕುಟುಂಬಗಳಿಗೆ ತಲಾ ₹ 5.5 ಲಕ್ಷ ಪುನರ್‌ವಸತಿ ಪ್ಯಾಕೇಜ್ ಅನ್ನು ಕೇಂದ್ರ ಸಚಿವ ಸಂಪುಟ ಬುಧವಾರ ಅನುಮೋದನೆ ನೀಡಿದೆ.
ಪಿಒಕೆಯಿಂದ ಬಂದು, ಜಮ್ಮು ಮತ್ತು ಕಾಶ್ಮೀರದ ಹೊರಗೆ ನೆಲೆಸಿದ್ದ ಸುಮಾರು 5,300 ಕುಟುಂಬಗಳು ಬಳಿಕ ಜಮ್ಮು– ಕಾಶ್ಮೀರಕ್ಕೆ ಸ್ಥಳಾಂತರಗೊಂಡಿದ್ದವು. ಪುನರ್‌ವಸತಿ ಪ್ಯಾಕೇಜ್‌ನಿಂದ ಇಲ್ಲಿಯವರೆಗೆ ಹೊರಗಿದ್ದ ಈ ಕುಟುಂಬಗಳಿಗೀಗ ಪ್ಯಾಕೇಜ್ ಮೂಲಕ ನೆರವು ದೊರೆಯಲಿದೆ ಎಂದು ಕೇಂದ್ರ ಸಚಿವ ಪ್ರಕಾಶ್ ಜಾವಡೇಕರ್ ತಿಳಿಸಿದರು.
