ಸೋಮವಾರ, ಆಗಸ್ಟ್ 26, 2019
27 °C

ಮ್ಯೂಚುವಲ್‌ ಫಂಡ್ಸ್‌ನಿಂದ ₹ 193 ಕೋಟಿ ಹೂಡಿಕೆ

Published:
Updated:

ನವದೆಹಲಿ: ವಿ. ಜಿ. ಸಿದ್ಧಾರ್ಥ ಅವರಿಗೆ ಸೇರಿದ ಕಾಫಿ ಡೇ ನ್ಯಾಚುರಲ್‌ ರಿಸೋರ್ಸಸ್‌ ಮತ್ತು ಟ್ಯಾಂಗ್ಲಿನ್‌ ಡೆವಲಪ್‌ಮೆಂಟ್ಸ್‌ಗಳಲ್ಲಿ ಮ್ಯೂಚುವಲ್‌ ಫಂಡ್ಸ್‌ಗಳು ₹ 193 ಕೋಟಿಗೂ ಹೆಚ್ಚು ಬಂಡವಾಳ ತೊಡಗಿಸಿರುವುದು ಬೆಳಕಿಗೆ ಬಂದಿದೆ.

ಹಣಕಾಸು ಮಾಹಿತಿ ಒದಗಿಸುವ ‘ಮಾರ್ನಿಂಗ್‌ಸ್ಟಾರ್‌’ ಜಾಲತಾಣದ ಪ್ರಕಾರ, ಕಾಫಿ ಡೇ ನ್ಯಾಚುರಲ್‌ ರಿಸೋರ್ಸಸ್‌ ಪ್ರೈವೇಟ್‌ ಲಿಮಿಟೆಡ್‌ನಲ್ಲಿ ₹ 148.71 ಕೋಟಿ ಹೂಡಿಕೆ ಮಾಡ ಲಾಗಿದೆ. ಡಿಎಸ್‌ಪಿ ಕ್ರೆಡಿಟ್‌ ರಿಸ್ಕ್‌ ಫಂಡ್‌ ಗರಿಷ್ಠ ₹ 132.08 ಕೋಟಿ ತೊಡಗಿಸಿದೆ. ಬಿಒಐ ಎಎಕ್ಸ್‌ಎ ಎಸ್‌/ಟಿ ಇನ್‌ಕಂ ಮತ್ತು ಬಿಒಐ ಎಎಕ್ಸ್‌ಎ ಕ್ರೆಡಿಟ್‌ ರಿಸ್ಕ್‌ ಫಂಡ್‌ ಕೂಡ ಹೂಡಿಕೆ ಮಾಡಿವೆ.

ರಿಯಲ್‌ ಎಸ್ಟೇಟ್‌ ವಹಿವಾಟು ನಡೆಸುವ ಟ್ಯಾಂಗ್ಲಿನ್‌ ಡೆವಲಪ್‌ಮೆಂಟ್ಸ್‌ ಲಿ.ನಲ್ಲಿ ₹ 44 ಕೋಟಿ ತೊಡಗಿಸಲಾಗಿದೆ. ಇಂಡಿಯಾಬುಲ್ಸ್‌ ಇನ್‌ಕಂ ಫಂಡ್‌, ಇಂಡಿಯಾಬುಲ್ಸ್‌ ಸೇವಿಂಗ್ಸ್‌ ಇನ್‌ಕಂ ಫಂಡ್‌ ಮತ್ತು ಇಂಡಿಯಾಬುಲ್ಸ್‌ ಶಾರ್ಟ್‌ ಟರ್ಮ್‌ ಫಂಡ್‌ ಹೂಡಿವೆ.

ಕಂಪನಿ ವ್ಯವಹಾರ ಸಚಿವಾಲಯದಲ್ಲಿ ನೋಂದಣಿ ಆಗಿರುವ 6 ಕಂಪನಿಗಳಲ್ಲಿ ಸಿದ್ಧಾರ್ಥ ಅವರು ನಿರ್ದೇಶಕರಾಗಿದ್ದರು. ಕಾಫಿ ಡೇ ಗ್ಲೋಬಲ್‌, ಕಾಫಿ ಡೇ ಎಂಟರ್‌ಪ್ರೈಸಸ್‌, ಕಾಫಿ ಡೇ ಕಬಿನಿ ರೆಸಾರ್ಟ್ಸ್‌, ಕಾಫಿ ಡೇ ರೆಸಾರ್ಟ್ಸ್‌ (ಎಂಎಸ್‌ಎಂ), ಸಿವನ್‌ ಸೆಕ್ಯುರಿಟೀಸ್‌ ಮತ್ತು ಇಟ್ಟಿಯಂ ಸಿಸ್ಟಮ್ಸ್‌ನಲ್ಲಿ ನಿರ್ದೇಶಕರಾಗಿರುವುದು ಸಚಿವಾಲಯದಲ್ಲಿ ಇರುವ ಮಾಹಿತಿ ತಿಳಿಸಿದೆ.

Post Comments (+)