ಕೃತಕ ಬುದ್ಧಿಮತ್ತೆ ಕೇಂದ್ರ ಸ್ಥಾಪನೆ, ಲಕ್ಷ ಡಿಜಿಟಲ್‌ ಗ್ರಾಮ ನಿರ್ಮಾಣಕ್ಕೆ ಒತ್ತು
ನವದೆಹಲಿ: ಗ್ರಾಮಗಳನ್ನು ‘ಡಿಜಿಟಲ್‌ ವಿಲೇಜ್‌’ಗಳನ್ನಾಗಿ ರೂಪಿಸುವ ನಿಟ್ಟಿನಲ್ಲಿ ರಾಷ್ಟ್ರೀಯ ಕೃತಕ ಬುದ್ಧಿಮತ್ತೆ (ಎಐ) ಕೇಂದ್ರಗಳನ್ನು ಪ್ರಾರಂಭಿಸಲು ಸರ್ಕಾರ ಉದ್ದೇಶಿಸಿದೆ. ತಂತ್ರಜ್ಞಾನವನ್ನು ನಾಗರಿಕ ಸೇವೆಗಳಿಗೆ ಬಳಸಿಕೊಳ್ಳುವ ಕಾರ್ಯವನ್ನು ಈ ಕೇಂದ್ರಗಳು ಮಾಡಲಿವೆ. ಇದರೊಂದಿಗೆ, ಡಿಜಿಟಲ್‌ ಗ್ರಾಮಗಳ ನಿರ್ಮಾಣ, ಒಳನಾಡು ಸಾರಿಗೆ ಅಭಿವೃದ್ಧಿಗೆ ಬಜೆಟ್‌ ಆದ್ಯತೆ ನೀಡಿದೆ.
* ಮುಂದಿನ ಐದು ವರ್ಷಗಳಲ್ಲಿ ಒಂದು ಲಕ್ಷ ಡಿಜಿಟಲ್‌ ಗ್ರಾಮ ಸ್ಥಾಪನೆ.
* ಒಂಭತ್ತು ಆದ್ಯತಾ ವಲಯಗಳಲ್ಲಿ ಎಐ ಕೇಂದ್ರಗಳ ನಿರ್ಮಾಣ.
* 2030ರ ವೇಳೆಗೆ ಸಂಪೂರ್ಣ ಡಿಜಿಟಲ್‌ ಆರ್ಥಿಕ ವ್ಯವಸ್ಥೆ ನಿರ್ಮಾಣ. ಸರ್ಕಾರ ಪ್ರಕ್ರಿಯೆಗಳು ಮತ್ತು ಖಾಸಗಿ ವಹಿವಾಟುಗಳ ಡಿಜಿಟಲೀಕರಣ.
* ಉಡಾನ್‌ ಯೋಜನೆಯಡಿ ನಿರ್ಮಾಣವಾಗುತ್ತಿರುವ 100 ವಿಮಾನ ನಿಲ್ದಾಣಗಳ ಪಟ್ಟಿಗೆ ಸಿಕ್ಕಿಂ ಏರ್‌ಪೋರ್ಟ್‌ ಸೇರ್ಪಡೆ.
* ಸಾಗರಮಾಲಾ ಯೋಜನೆಯಡಿ ಈಶಾನ್ಯ ರಾಜ್ಯಗಳಲ್ಲಿಯೂ ಕಾರ್ಗೊ ಮಾರ್ಗ ಅಭಿವೃದ್ಧಿ, ಬಂದರು ನಿರ್ಮಾಣ ಮತ್ತು ಒಳನಾಡು ಜಲಸಾರಿಗೆ ಅಭಿವೃದ್ಧಿ.
* ಕಾರ್ಗೊಗಳ ಆಮದು ಮತ್ತು ರಫ್ತು ಉತ್ತೇಜಿಸುವ ನಿಟ್ಟಿನಲ್ಲಿ ಬ್ರಹ್ಮಪುತ್ರ ಸಂಚಾರ ಮಾರ್ಗ ಹಾಗೂ ಕರಾವಳಿ ಪ್ರದೇಶ ಅಭಿವೃದ್ಧಿ.
* ಪ್ರಧಾನಮಂತ್ರಿ ಗ್ರಾಮ ಸಡಕ್‌ ಯೋಜನೆಯಡಿ ನೀಡುವ ಅನುದಾನದ ಮೊತ್ತ ₹15,500 ಕೋಟಿಯಿಂದ ₹19,000 ಕೋಟಿಗೆ ಏರಿಕೆ.
ಇವನ್ನೂ ಓದಿ...
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.