ಭಾನುವಾರ, ನವೆಂಬರ್ 17, 2019
28 °C

‘97 ವಿಮಾನಗಳಲ್ಲಿನ ಎಂಜಿನ್‌ ಬದಲಾಯಿಸಿ’

Published:
Updated:

ನವದೆಹಲಿ: 97 ಏರ್‌ಬಸ್‌ ಎ320 ನಿಯೋ ವಿಮಾನದಲ್ಲಿರುವ ಪ್ರಾಟ್‌ ಆ್ಯಂಡ್‌ ವಿಟ್ನಿ (ಪಿಡಬ್ಲ್ಯೂ) ಎಂಜಿನ್‌ಗಳನ್ನು ಬದಲಾಯಿಸಬೇಕು ಎಂದು ನಾಗರಿಕ ವಿಮಾನಯಾನ ನಿರ್ದೇಶನಾಲಯ (ಡಿಜಿಸಿಎ) ಇಂಡಿಗೋ ಸಂಸ್ಥೆಗೆ ಸೂಚಿಸಿದೆ. ‌

‘ವಿಮಾನ ಹಾರಾಟ ಸಂದರ್ಭದಲ್ಲೇ ಎಂಜಿನ್‌ನಲ್ಲಿ ದೋಷಗಳು ಕಂಡುಬಂದಿದ್ದವು. ಇದೊಂದು ಗಂಭೀರ ವಿಷಯವಾಗಿದೆ. ಹೀಗಾಗಿ ಸಾಕಷ್ಟು ಚರ್ಚೆಯ ಬಳಿಕ ಎಂಜಿನ್‌ಗಳನ್ನು ಬದಲಾವಣೆಗೊಳಿಸಲೇಬೇಕು ಎನ್ನುವ ಆದೇಶ ನೀಡುವ ನಿರ್ಧಾರಕ್ಕೆ ಬರಲಾಗಿದೆ. 2020 ಜನವರಿ 31ರೊಳಗೆ ಎಲ್ಲ ಎಂಜಿನ್‌ಗಳನ್ನು ಬದಲಾಯಿಸಬೇಕು’ ಎಂದು ಡಿಜಿಸಿಎ ಪ್ರಕಟಣೆಯಲ್ಲಿ ತಿಳಿಸಿದೆ.  ‌

ಸೋಮವಾರ ಇಂಡಿಗೋ ಹಾಗೂ ಗೋಏರ್‌ ಸಂಸ್ಥೆಯ 29 ಎ320ನಿಯೋ ವಿಮಾನದಲ್ಲಿರುವ ಪಿಡಬ್ಲ್ಯೂ ಎಂಜಿನ್‌ಗಳನ್ನು 15 ದಿನದೊಳಗಾಗಿ ಬದಲಾವಣೆಗೆ ಡಿಜಿಸಿಎ ಸೂಚಿಸಿತ್ತು. ನವೆಂಬರ್‌ 19ರೊಳಗೆ 23 ವಿಮಾನದಲ್ಲಿರುವ ಪಿಡ್ಬ್ಲ್ಯೂಎಂಜಿನ್‌ಗಳಲ್ಲಿ ಒಂದನ್ನಾದರೂ ಬದಲಾಯಿಸಬೇಕು ಎಂದು ಇಂಡಿಗೋಗೆ ಡಿಜಿಸಿಎ ಸೂಚಿಸಿದ್ದು, 2020 ಜನವರಿ 31ರೊಳಗೆ ಎ320ನಿಯೋ ಹಾಗೂ ಎ321ನಿಯೋ ವಿಮಾನದಲ್ಲಿನ ಎರಡೂ ಎಂಜಿನ್‌ಗಳ ಬದಲಾವಣೆಗೆ ಸೂಚಿಸಿದೆ. 

 

ಪ್ರತಿಕ್ರಿಯಿಸಿ (+)