ಭಾನುವಾರ ಬಂದ್: ಚೆನ್ನೈ ಸ್ತಬ್ಧ

ನಿಯಮ ಉಲ್ಲಂಘನೆ ಸಂಬಂಧ 4,799 ಪ್ರಕರಣಗಳನ್ನು ಪೊಲೀಸರು ದಾಖಲಿಸಿಕೊಂಡಿದ್ದಾರೆ. 7,907 ವಾಹನಗಳನ್ನು ಜಪ್ತಿ ಮಾಡಲಾಗಿದೆ.

ಜೂನ್ 19ರಿಂದ 12 ದಿನಗಳ ಲಾಕ್‌ಡೌನ್ ಘೋಷಿಸಿದ್ದ ಸರ್ಕಾರ, ದಿನಸಿ ಅಂಗಡಿ, ತರಕಾರಿ ಹಾಗೂ ಪೆಟ್ರೋಲ್ ಬಂಕ್‌ಗಳನ್ನು ಬೆಳಿಗ್ಗೆ 6ರಿಂದ ಮಧ್ಯಾಹ್ನ 2 ಗಂಟೆವರೆಗೆ ತೆರೆಯಲು ಅವಕಾಶ ಮಾಡಿಕೊಡಿಕೊಟ್ಟಿತ್ತು. ಆದರೆ ಭಾನುವಾರ ಈ ಯಾವ ಸೇವೆಗಳೂ ಲಭ್ಯ ಇರಲಿಲ್ಲ. ಜೂನ್ 21 ಹಾಗೂ 28ರ ಎರಡು ಭಾನುವಾರಗಳಂದು ಹಾಲು, ಆಂಬುಲೆನ್ಸ್, ಆಸ್ಪತ್ರೆ, ಮೆಡಿಕಲ್ ಶಾಪ್ ಹೊರತುಪಡಿಸಿ ಬೇರಾವ ಸೌಲಭ್ಯವೂ ಇರುವುದಿಲ್ಲ ಎಂದು ಸರ್ಕಾರ ಈ ಮೊದಲೇ ಸ್ಪಷ್ಟಪಡಿಸಿತ್ತು.

ಕೊರೊನಾ ವೈರಸ್ ರಾಜ್ಯದಲ್ಲಿ ಹೆಚ್ಚಾಗಿ ಬಾಧಿಸುತ್ತಿರುವುದರಿಂದ ತಾತ್ಕಾಲಿಕ ಲಾಕ್‌ಡೌನ್‌ಗೆ ತಮಿಳುನಾಡು ಸರ್ಕಾರ ಆದೇಶಿಸಿತ್ತು.