ನವದೆಹಲಿ: ಕೇಂದ್ರೀಯ ಕೈಗಾರಿಕಾ ಭದ್ರತಾ ಪಡೆಯ (ಸಿಐಎಸ್ಎಫ್) ಎಲ್ಲ ವರ್ಗಾವಣೆಗಳನ್ನು ಮುಂದಿನ ವರ್ಷ ಮಾರ್ಚ್ 31ರವರೆಗೆ ಮುಂದೂಡಲಾಗಿದೆ. ಇದರಿಂದ, ಸಿಐಎಸ್ಎಫ್ಗೆ ₹38 ಕೋಟಿ ಉಳಿತಾಯವಾಗಲಿದೆ.
1.62 ಲಕ್ಷ ಸಿಬ್ಬಂದಿಯನ್ನು ಹೊಂದಿರುವ ಸಿಐಎಸ್ಎಫ್, ಈ ವರ್ಷ ಸುಮಾರು 13 ಸಾವಿರ ಸಿಬ್ಬಂದಿಯನ್ನು ವರ್ಗಾವಣೆ ಮಾಡುವ ಉದ್ದೇಶ ಹೊಂದಿತ್ತು. ಇವರೆಲ್ಲರಿಗೂ ವರ್ಗಾವಣೆ ಭತ್ಯೆ ನೀಡಬೇಕಾಗಿತ್ತು.
ಕೋವಿಡ್–19 ಬಿಕ್ಕಟ್ಟು ಮತ್ತು ಆಡಳಿತಾತ್ಮಕ ದೃಷ್ಟಿಯಿಂದ ವರ್ಗಾವಣೆಗಳನ್ನು ಮುಂದೂಡಲಾಗಿದೆ ಎಂದು ಸಿಐಎಸ್ಎಫ್ ಮಹಾನಿರ್ದೇಶಕ ರಾಜೇಶ್ ರಂಜನ್ ತಿಳಿಸಿದ್ದಾರೆ.