ನವದೆಹಲಿ: ದೇಶದಾದ್ಯಂತ ಕೊರನಾ ವೈರಸ್ ಸೋಂಕಿನಿಂದಾಗಿ (ಕೋವಿಡ್–19) ಕಳೆದ 12ಗಂಟೆಗಳಲ್ಲಿ 30 ಜನ ಮೃತಪಟ್ಟಿದ್ದಾರೆ. ಇದರೊಂದಿಗೆ, ಸೋಂಕಿನಿಂದಾಗಿ ಈವರೆಗೆ ಮೃತಪಟ್ಟವರ ಸಂಖ್ಯೆ 199ಕ್ಕೆ ಏರಿಕೆಯಾಗಿದೆ.
12 ಗಂಟೆಗಳಲ್ಲಿ 547 ಹೊಸ ಕೋವಿಡ್ ಪ್ರಕರಣಗಳು ದೃಢಪಟ್ಟಿವೆ. ದೇಶದಲ್ಲಿ ಇದುವರೆಗೆ ಸೋಂಕು ತಗುಲಿರುವ ವ್ಯಕ್ತಿಗಳ ಸಂಖ್ಯೆ 6,412ಕ್ಕೆ ತಲುಪಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಶುಕ್ರವಾರ ಬೆಳಿಗ್ಗೆ ಮಾಹಿತಿ ನೀಡಿದೆ.
ಸೋಂಕಿತರ ಪೈಕಿ 504 ಜನ ಗುಣಮುಖರಾಗಿ ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ. ಮಹಾರಾಷ್ಟ್ರದಲ್ಲಿ ಅತಿ ಹೆಚ್ಚು, ಅಂದರೆ 1,3664 ಕೊರೊನಾ ಪ್ರಕರಣಗಳು ದೃಢಪಟ್ಟಿವೆ. ತಮಿಳುನಾಡಿನಲ್ಲಿ 834 ಪ್ರಕರಣಗಳು ದೃಡಪಟ್ಟಿವೆ. ದೆಹಲಿಯಲ್ಲಿ ಈವರೆಗೆ 720 ಪ್ರಕರಣಗಳು ದೃಢಪಟ್ಟಿವೆ.