‘ಗಾಳಿಯಿಂದ ಹರಡುವುದಿಲ್ಲ’: ‘ಕೋವಿಡ್‌–19 ಗಾಳಿ ಮೂಲಕ ಹರಡುತ್ತಿದೆಯೇ ಎನ್ನುವ ಪ್ರಶ್ನೆಯನ್ನು ಎಲ್ಲರೂ ಕೇಳುತ್ತಿದ್ದಾರೆ. ಪ್ರಸ್ತುತ ಲಭ್ಯವಿರುವ ಸಾಕ್ಷ್ಯಗಳನ್ನು ಆಧರಿಸಿ ನಾವು ಇದಕ್ಕೆ ಉತ್ತರಿಸಬೇಕು. ಸೋಂಕು ದೃಢಪಟ್ಟ ರೋಗಿಯ ಮನೆಯವರಲ್ಲಿ ಸೋಂಕು ಕಾಣಿಸಿಕೊಂಡಿಲ್ಲ. ರೋಗಿ ಉಸಿರಾಡುವ ಗಾಳಿಯನ್ನೇ ಅವರು ಉಸಿರಾಡುತ್ತಾರೆ. ರೋಗಿ ದಾಖಲಾದ ಆಸ್ಪತ್ರೆಯಲ್ಲಿರುವ ಇತರರಿಗೂ ಸೋಂಕು ತಗುಲಿಲ್ಲ. ಹೀಗಾಗಿ ಇದು ಗಾಳಿ ಮೂಲಕ ಹರಡುವುದಿಲ್ಲ’ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ರಾಮನ್‌ ಆರ್‌.ಗಂಗಾಖೇಡ್ಕರ್‌ ತಿಳಿಸಿದರು.
