ನವದೆಹಲಿ: ಕ್ಯಾನ್ಸರ್ನಿಂದ ಬಳಲುತ್ತಿದ್ದ ಕೇಂದ್ರೀಯ ಮೀಸಲು ಪೊಲೀಸ್ ಪಡೆಯ (ಸಿಆರ್ಪಿಎಫ್) ಯೋಧರೊಬ್ಬರು ಕೋವಿಡ್–19ನಿಂದಾಗಿ ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ಭಾನುವಾರ ತಿಳಿಸಿದ್ದಾರೆ.
ದೇಶದ ಅತಿದೊಡ್ಡ ಅರೆಸೇನಾ ಪಡೆಯಾಗಿರುವ ಸಿಆರ್ಪಿಎಫ್ನ ಒಟ್ಟು 11 ಯೋಧರು ಕೋವಿಡ್ನಿಂದಾಗಿ ಮೃತಪಟ್ಟಂತಾಗಿದೆ.
141ನೇ ಬೆಟಾಲಿಯನ್ನಲ್ಲಿದ್ದ ಈ ಯೋಧಗೆ ಶ್ವಾಸನಾಳದ ಕ್ಯಾನ್ಸರ್ ಇತ್ತು. ಕಳೆದ ಏಪ್ರಿಲ್ನಿಂದ ಚಿಕಿತ್ಸೆಗಾಗಿ ಇಲ್ಲಿನ ಆಸ್ಪತ್ರೆಗೆ ದಾಖಲಾಗಿದ್ದ ಅವರು, ಕೋವಿಡ್ನಿಂದಾಗಿ ಶುಕ್ರವಾರ ಮೃತಪಟ್ಟರು ಎಂದು ಅಧಿಕಾರಿಗಳು ಹೇಳಿದ್ದಾರೆ.