ನವದೆಹಲಿ: ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಶುಲ್ಕ ಪಾವತಿಗಾಗಿ ‘ಫಾಸ್ಟ್ ಟ್ಯಾಗ್' ಕಡ್ಡಾಯಗೊಳಿಸಿ ವಿಧಿಸಿದ್ದ ಗಡುವನ್ನು ಡಿಸೆಂಬರ್ 15ರವರೆಗೂ ವಿಸ್ತರಿಸಿ ಕೇಂದ್ರ ಸರ್ಕಾರ ಶುಕ್ರವಾರ ಆದೇಶ ಹೊರಡಿಸಿದೆ.
’ಫಾಸ್ಟ್ಟ್ಯಾಗ್’ ಬಳಕೆಗೆ ಈ ಮೊದಲು ಡಿಸೆಂಬರ್ 1ರ ಗಡುವು ವಿಧಿಸಲಾಗಿತ್ತು. ವಾಹನ ಮಾಲೀಕರು, ಚಾಲಕರು ’ಫಾಸ್ಟ್ ಟ್ಯಾಗ್’ ಖರೀದಿಸಲು ಅಗತ್ಯ ಕಾಲಾವಕಾಶ ಕಲ್ಪಿಸಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಕೇಂದ್ರ ಭೂಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ತಿಳಿಸಿದೆ.
