ಬಿಸಿಯೂಟ ಸೇವನೆ: 13 ಮಕ್ಕಳು ಅಸ್ವಸ್ಥ, ಆಸ್ಪತ್ರೆಗೆ ದಾಖಲು

7

ಬಿಸಿಯೂಟ ಸೇವನೆ: 13 ಮಕ್ಕಳು ಅಸ್ವಸ್ಥ, ಆಸ್ಪತ್ರೆಗೆ ದಾಖಲು

Published:
Updated:

ನವದೆಹಲಿ: ಇಲ್ಲಿನ ಉತ್ತಮ್ ನಗರದ ಅಂಗನವಾಡಿ ಕೇಂದ್ರದಲ್ಲಿ ಮಂಗಳವಾರ ಬಿಸಿಯೂಟ ಸೇವಿಸಿದ 13 ಮಕ್ಕಳು ಮತ್ತು ಒಬ್ಬ ಸಹಾಯಕಿ ಅಸ್ವಸ್ಥರಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಅನ್ನ ಹಾಗೂ ಬೇಯಿಸಿದ ಕಾಳು ತಿಂದ ಮಕ್ಕಳು ವಾಂತಿ ಮಾಡಿಕೊಂಡು ಪ್ರಜ್ಞಾಹೀನರಾಗಿದ್ದರು. ತಕ್ಷಣ ಮಕ್ಕಳನ್ನು ದೀನದಯಾಳು ಉಪಾಧ್ಯಾಯ ಆಸ್ಪತ್ರೆಗೆ ಸೇರಿಸಲಾಗಿದೆ. 

ಉತ್ತಮ್ ನಗರದ ಹಸ್ತಾಲ್ ವಿಹಾರದ ನಿವಾಸಿ ಅನಿತಾ ಅವರು 11 ವರ್ಷದಿಂದ ಅಂಗನವಾಡಿ ಕೇಂದ್ರ ನಡೆಸುತ್ತಿದ್ದು, ಇಲ್ಲಿ ಒಟ್ಟು 40 ಮಕ್ಕಳು ಹಾಗೂ 13 ಗರ್ಭಿಣಿಯರು ಇದ್ದಾರೆ. 

ಮಂಗಳವಾರ ಉತ್ತಮ್ ನಗರದ ದೀಪಕ್ ವಿಹಾರದಲ್ಲಿರುವ ಆಕೃತಿ ಎಂಬ ಸ್ವಯಂ ಸೇವಕ ಸಂಘ ಅಂಗನವಾಡಿ ಕೇಂದ್ರಕ್ಕೆ ಅನ್ನ ಮತ್ತು ಬೆಂದ ಕಾಳನ್ನು ವಿತರಿಸಿತ್ತು. ಇದನ್ನು ತಿಂದ ಮಕ್ಕಳು ಅಸ್ವಸ್ಥರಾಗಿದ್ದರು. ಈ ಸಂಬಂಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದ್ದು, ಇದುವರೆಗೂ ಯಾರನ್ನು ಬಂಧಿಸಿಲ್ಲ. ತನಿಖೆ ಮುಂದುವರೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 

 

ಬರಹ ಇಷ್ಟವಾಯಿತೆ?

  • 0

    Happy
  • 1

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !