ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್ ಜಿಲ್ಲೆಯ ಖುಲ್‍ ಚೊಹರ್ ಪ್ರದೇಶದಲ್ಲಿ ಸೋಮವಾರ ನಡೆದ ಕಾರ್ಯಾಚರಣೆಯಲ್ಲಿ ಹಿಜ್‍ಬುಲ್‍ ಮುಜಾಹಿದ್ದೀನ್‍ ಸಂಘಟನೆ ಕಮಾಂಡರ್ ಮಸೂದ್ ಸೇರಿ ಇಬ್ಬರು ಉಗ್ರರು ಸತ್ತಿದ್ದಾರೆ.
ಸಿಆರ್ಪಿಎಫ್ ಪಡೆಯು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿತ್ತು. ಈ ಭಾಗದಲ್ಲಿ ಬಾಕಿ ಉಳಿದಿದ್ದ ಉಗ್ರರು ಹತರಾಗಿದ್ದು, ಇದರೊಂದಿಗೆ ಈ ಪ್ರದೇಶ ಭಯೋತ್ಪಾದಕ ಚಟುವಟಿಕೆಗಳಿಂದ ಮುಕ್ತವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
With today’s operation at Khulchohar area of Anantnag by Police along with Local RR unit in which 2 LeT terrorists including one district commander & one HM commander Masood (in pic) were neutralised, Doda dist in Jammu Zone becomes totally militancy free once again: J&K DGP pic.twitter.com/M1OEOHuhJ7
ಮಸೂದ್ ಈ ಭಾಗದಲ್ಲಿ ಕಡೆಯದಾಗಿ ಉಳಿದುಕೊಂಡಿದ್ದ. ಈತ ದೋಡಾ ನಿವಾಸಿಯಾಗಿದ್ದು ಅತ್ಯಾಚಾರ ಪ್ರಕರಣದಲ್ಲಿ ಬೇಕಾಗಿದ್ದು, ತಲೆಮರೆಸಿಕೊಂಡಿದ್ದ. ಬಳಿಕ ಉಗ್ರ ಸಂಘಟನೆಯನ್ನು ಸೇರಿಕೊಂಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
